ନୂଆଦିଲ୍ଲୀ: ସମଗ୍ର ଦେଶରେ ଦୀପାବଳିକୁ ଅତି ଧୂମଧାମ ସହକାରେ ପାଳନ କରାଯାଉଛି । ପରିବାର ବନ୍ଧୁ ପରିଜନ ଏକାଠି ହୋଇ ଅତି ଧୂମଧାମର ସହକାରେ ଦୀପ ଜାଳି, ମିଠା ବାଣ୍ଟିବା ସହ ବାଣ ଫୁଟାଇ ପାଳନ କରୁଛନ୍ତି ଦୀପାବଳି । କିନ୍ତୁ ପରିବାର ଠାରୁ ଅନେକ ଦୂରରେ ରହି ଦେଶକୁ ରକ୍ଷା କରୁଥିବା ବିଏସଏଫ ଯବାନ ମାନେ ଦୀପାବଳିକୁ ଫିକା କରିବାକୁ ଦେଇନାହାଁନ୍ତି । ସେମାନେ ମଧ୍ୟ ଦୀପ ଜଳାଇ ନାଚି ଗାଇ ଦୀପାବଳି ପାଳୁଛନ୍ତି ।
ଭିଡିଓରେ ଦେଖିବାକୁ ମିଳିଛି ଯେ, ଯବାନ ମାନେ ନିଜ ନିଜ ସହଯୋଗୀଙ୍କ ସହ ଢୋଲ ବଜାଇ କରତାଳି ଦେଇ ବେଶ ଖୁସିର ସହ ଗୀତ ଗାଉଛନ୍ତି । ଏହାସହ ସେମାନେ ରହୁଥିବା ସ୍ଥାନରେ ଦୀପ ଲଗାଇ ଆଲୋକିତ କରି ନିଜ ନିଜ ସହଯୋଗୀଙ୍କୁ ଶୁଭେଚ୍ଛା ଦେବା ସହ ଦେଶବାସୀଙ୍କୁ ମଧ୍ୟ ଶୁଭକାମନା ଜଣାଇଛନ୍ତି । ବାଣ ଫୁଟାଇବା ସହ ପରିବାର ଲୋକଙ୍କୁ ମଧ୍ୟ ମନେ ପକାଉଛନ୍ତି ।
