ନୂଆଦିଲ୍ଲୀ: ଦକ୍ଷିଣ ବଙ୍ଗ ସୀମାବର୍ତ୍ତୀ ଅଞ୍ଚଳରେ 9 ବାଂଲାଦେଶୀ ସୀମା ଉଲଘଂନ କରି ଭାରତକୁ ପ୍ରବେଶ କରୁଥିବାବେଳେ ବିଏସଏଫ ଯବାନଙ୍କ ହାତରେ ଧରା ପଡ଼ିଛନ୍ତି । ତେବେ ଜେରା ସମୟରେ ସେମାନେ ବାଂଲାଦେଶୀ ବୋଲି ସ୍ବୀକାର କରିବା ପରେ ବାଂଲାଦେଶର ସୁରକ୍ଷାକର୍ମୀଙ୍କୁ ସେମାନଙ୍କୁ ହସ୍ତାନ୍ତର କରାଯାଇଛି ।
କିଛି ବାଂଲାଦେଶୀ ପଶ୍ଚିମବଙ୍ଗର ନାଦିୟା ଜିଲ୍ଲା ମଧ୍ୟ ଦେଇ ବେଆଇନ ଭାବେ ଭାରତୀୟ ସୀମା ମଧ୍ୟକୁ ଅନୁପ୍ରବେଶ କରିବା ନେଇ ବିଏସଏଫର ଇଣ୍ଟେଲିଜେନ୍ସି ବ୍ରାଞ୍ଚକୁ ପୂର୍ବରୁ ସୂଚନା ମିଳିଥିଲା । ଏହି ସୂଚନାକୁ ଆଧାର କରି କୁମାରୀ ପୋଷ୍ଟ ନିକଟରେ ମୁତୟନ ଥିବା 8 ବାଟିଲିୟନ ଯବାନଙ୍କୁ ସତର୍କ କରାଯାଇଥିଲା ।
ତେବେ ମଙ୍ଗଳବାର ଭୋର ପ୍ରାୟ 5ଟା ସମୟରେ ସୀମା ମଧ୍ୟକୁ ଅନୁପ୍ରବେଶ କରିବା ସମୟରେ ଏହି ବାଂଲାଦେଶୀମାନଙ୍କୁ ସୁରକ୍ଷାକର୍ମୀମାନେ ଧରିଥିଲେ । ପରେ ସେମାନେ ବାଂଲାଦେଶୀ ଜଣାପଡ଼ିବା ପରେ ବାଂଲାଦେଶର ସୁରକ୍ଷାକର୍ମୀଙ୍କୁ ସେମାନଙ୍କୁ ହସ୍ତାନ୍ତର କରାଯାଇଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
