ନୂଆଦିଲ୍ଲୀ: ଖୁବଶୀଘ୍ର ବ୍ରିଟେନର ଭାଗ୍ୟ ପରୀକ୍ଷା । ଏଥିପାଇଁ ପ୍ରସ୍ତୁତି କରୁଛନ୍ତି ବ୍ରିଟେନର ପ୍ରଧାନମନ୍ତ୍ରୀ ବୋରିସ୍ ଜନସନ୍ । ହିନ୍ଦୁ ସମୁଦାୟଙ୍କ ଭୋଟ ହାତେଇବା ପାଇଁ ବ୍ରିଟେନ ପ୍ରଧାନମନ୍ତ୍ରୀଙ୍କ ନୂଆ ଷ୍ଟ୍ରାଟେଜୀ । ଏଥିପାଇଁ ଲଣ୍ଡନରେ ଥିବା ସ୍ବାମୀ ନାରାୟଣ ମନ୍ଦିର ଯାଇ ଅଭିଷେକ କରାଇଛନ୍ତି ।
ବୋରିସ୍ ଜନସନ୍, ନିଜ ଗାର୍ଲଫ୍ରେଣ୍ଡ କୈରୀ ସାୟମଣ୍ଡସଙ୍କ ସହ ପୂଜା ପାଇଁ ପହଞ୍ଚିଥିଲେ ସ୍ବାମୀ ନାରାୟଣଙ୍କ ମନ୍ଦିର । କୈରୀ ନାଲି ରଙ୍ଗର ଶାଢି ମଧ୍ୟ ପିନ୍ଧିଥିବାର ଦେଖିବାକୁ ମିଳିଥିଲା । 31 ବର୍ଷିୟ କୈରୀ ଶନିବାର ବୋରିସଙ୍କ ସହ ମିଶି ଉତ୍ତର-ପଶ୍ଚିମ ଅଞ୍ଚଳରେ ନିର୍ବାଚନୀ ପ୍ରଚାର କରିଥିଲେ ।
ସେଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନୂଆ ଭାରତ ଅଭିଯାନକୁ ସମର୍ଥନ କରିଛନ୍ତି । କାଶ୍ମୀର ମୁବ୍ଦା ଉପରେ ବିରୋଧି ଲେବର୍ ପାର୍ଟି ଭାରତ ବିରୋଧୀ ମନ୍ତବ୍ୟ ଦେଇଥିଲେ । ଏହାକୁ ଟାର୍ଗେଟ କରି ବୋରିସ ଭାରତକୁ ସମର୍ଥନ କରିଥିଲେ ଓ ହିନ୍ଦୁଙ୍କ ପାଇଁ ମନ୍ଦିର ସର୍ବଶ୍ରେଷ୍ଠ ଦାନ ବୋଲି କହିଥିଲେ ।
