ଆଗ୍ରା: ଚଳିତ ବର୍ଷ 71 ତମ ସାଧାରଣତନ୍ତ୍ର ଦିବସର ମୁଖ୍ୟ ଅତିଥି ଭାବେ ଯୋଗ ଦେବାକୁ 4 ଦିନିଆ ଭାରତ ଗସ୍ତରେ ଆସିଥିଲେ ବ୍ରାଜିଲ ରାଷ୍ଟ୍ରପତି ଜାଏରୋ ବାଲସୋନାରୋ। ସ୍ବଦେଶ ପ୍ରତ୍ୟାବର୍ତ୍ତନ କରିବା ପୂର୍ବରୁ ବିଶ୍ବର ଅନ୍ୟତମ ସପ୍ତାଶ୍ଚର୍ଯ୍ୟ ଆଗ୍ରାର ତାଜମହଲ ପରିଦର୍ଶନ କରିଛନ୍ତି ସେ। ଜାନୁଆରୀ 24ରୁ 27 ତାରିଖ ଯାଏଁ 4 ଦିନିଆ ଭାରତ ଗସ୍ତରେ ରାଷ୍ଟ୍ରପତି ବାଲସୋନାରୋ।
ଏହି ଗସ୍ତ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ବ୍ରାଜିଲ ରାଷ୍ଟ୍ରପତି ଜାଏରୋ ବାଲସୋନାରୋଙ୍କ ମଧ୍ୟରେ ବିଭିନ୍ନ ପ୍ରସଙ୍ଗରେ ଆଲୋଚନା ହୋଇଛି। ଏହା ସହ ଦୁଇ ଦେଶ ମଧ୍ୟମରେ 15ଟି ରାଜିନାମା ସ୍ବାକ୍ଷରିତ ହୋଇଛି । 2022 ଭିତରେ ଦ୍ବିପାକ୍ଷିକ ବେପାରରେ 15 ବିଲିୟନ ଆମେରିକା ଡଲାରରେ ପହଞ୍ଚିଇବାକୁ ଲକ୍ଷ୍ୟ ରହିଛି।
