ନୂଆଦିଲ୍ଲୀ: ଆରମ୍ଭ ହେଲା ବୁକିଂ । ଅତ୍ୟାଧୁନିକ ସୁବିଧା ସହ ଏଥର ସହଜରେ ଯାତ୍ରା କରିବେ ଯାତ୍ରୀ । ଅନଲାଇନରେ ଆପଣ କରିପାକରିବେ ଟିକଟ ବୁକିଂ । ଆସନ୍ତା ଅକ୍ଟୋବର 4ରୁ ଭାରତରର ପ୍ରଥମ ଘରୋଇ ଟ୍ରେନ ‘ତେଜସ ଏକ୍ସପ୍ରେସ’ ଦିଲ୍ଲୀଠାରୁ ଲକ୍ଷ୍ନୌ ପର୍ଯ୍ୟନ୍ତ ଚାଲିବ । ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଏହାର ଶୁଭାରମ୍ଭ କରିବେ।
ଦିଲ୍ଲୀରୁ ଲକ୍ଷ୍ନୌ ପର୍ଯ୍ୟନ୍ତ ଏସି ଚେୟାରକାରର ଟିକଟ ମୂଲ୍ୟ 1280 ଟଙ୍କା ( ଟ୍ରେନ ଟିକଟ 895+ ଜିଏସଟି 45+କ୍ୟାଟେରିଂ ଚାର୍ଜ 340 ଟଙ୍କା ) ରହିବ । ଏହାସହ ଏକ୍ସକ୍ୟୁଟିଭ ଚେୟାର କାରର ଭଡା 2450 ଟଙ୍କା( ଭଡା 1966+ଜିଏସଟି 99+ କ୍ୟାଟେରିଂ 385) ରହିବ । ସେହିଭଳି ଦିଲ୍ଲୀରୁ କାନପୁର ଯାତ୍ରା କରିବା ପାଇଁ ଭଡା ଏସି ଚେୟାର କାର ପାଇଁ 1155( ଭଡା 776 + ଜିଏସଟି 39+କ୍ୟାଟେରିଂ 340 ) ରହିବ ଏବଂ ଏକ୍ସିକ୍ୟୁଟିଭ ଚେୟାର କାର ଭଡା 2155 ( ଭଡା 1685 +ଜିଏସଟି 85 +କ୍ୟାଟେରିଂ ଚାର୍ଜ 385 ଟଙ୍କା) ରହିବ।
ଆଇଆରସିଟିସି ଲକ୍ଷ୍ନୌରୁ ଦିଲ୍ଲୀ ଚେୟାର କାର ଭଡା ପାଇଁ 1125 ( ଭଡା 895+ ଜିଏସଟି 45+କ୍ୟାଟେରିଂ 185) ଟଙ୍କା ସ୍ଥିର କରାଯାଇଛି । ଏପଟେ ଲକ୍ଷ୍ନୌରୁ କାନପୁର ପର୍ଯ୍ୟନ୍ତ ଭଡା ଏସି ଚେୟାର କାର ପାଇଁ 320( ଭଡା 285+ଜିଏସଟି 15 +କ୍ୟାଟେରିଂ 20 ) ଟଙ୍କା ରଖାଯାଇଛି । ଏହାସହ ଏକ୍ସିକ୍ୟୁଟିଭ ଚେୟାର କାର ଭଡା 630 ( ଭଡା 571+ଜିଏସଟି 29 +କ୍ୟାଟେରିଂ 30) ଟଙ୍କା ସ୍ଥିର କରାଯାଇଛି ।
ତେଜସରେ ହାଇ କ୍ଲାସ କ୍ୟାଟେରିଂ ସେବାରେ କର୍ଣ୍ଣ ଫ୍ଲେକ୍ସ, ଫଳ ସାଲାଡ ଆଦି ଖାଦ୍ୟ ଉପଲବ୍ଧ ହେବ । ଏହାସହ ପାଣି ବୋତଲ ସହିତ ଆରଓ ସୁବିଧା ଦିଆଯିବ । ପୂର୍ବରୁ ଦେଶର କୌଣସି ଟ୍ରେନରେ ଏଭଳି ସୁବିଧା ଦିଆଯାଇ ନାହିଁ। କେବଳ ଏତିକି ନୁହେଁ ବିମାନ ଭଳି ଟ୍ରେନ ହୋଷ୍ଟେସ ରହି ଯାତ୍ରୀଙ୍କ ସୁବିଧା ଅସୁବିଧା ବୁଝିବେ।
