ମୁମ୍ବାଇ: ମୁମ୍ବାଇରୁ ସିଙ୍ଗାପୁର ଯାଉଥିବା ସିଙ୍ଗାପୁର ଏୟାର ଲାଇନ୍ସ ଏକ ବିମାନରେ ବୋମା ଥିବାର ଖବର ପ୍ରଚାର ହେବା ପରେ ବିମାନଟି ସୁରକ୍ଷିତ ଭାବେ ଅବତରଣ କରିଛି। ସିଙ୍ଗାପୁରର ଚାଙ୍ଗି ଅନ୍ତରାଷ୍ଟ୍ରୀୟ ବିମାନ ବନ୍ଦରରେ ବିମାନଟିକୁ ଜରୁରୀକାଳୀନ ଅବତରଣ କରାଯାଇଛି । ଏହି ବିମାନରେ 263 ଜଣ ଯାତ୍ରୀ ଥିଲେ । ଏୟାର ଲାଇନ୍ସ ପକ୍ଷରୁ ଏହି ସୂଚନା ଦିଆଯାଇଛି ।
ଏସକ୍ୟୁ 463 ନମ୍ବର ବିଶିଷ୍ଟ ବିମାନଟି ମୁମ୍ବାଇରୁ ସିଙ୍ଗାପୁରକୁ ଯାତ୍ରା ଆରମ୍ଭ କରିଥିଲା। ତେବେ ବିମାନରେ ବୋମା ଥିବା ଖବର ପ୍ରଚାର ହେବା ପରେ ଜରୁରୀକାଳୀନ ଭାବେ ଅବତରଣ କରାଯାଇଥିବା ସିଙ୍ଗାପୁର ଏୟାର ଲାଇନ୍ସ କର୍ତ୍ତୃପକ୍ଷ କହିଛନ୍ତି । ମଙ୍ଗଳବାର ସକାଳ ଘଟିଛି ଏହି ଘଟଣା । ସୂଚନା ଅନୁଯାୟୀ, ଗତ ସୋମବାର ସକାଳ 11. 35 ମିନିଟ୍ରେ ମୁମ୍ବାଇରୁ ବିମାନଟି ଉଡାଣ ଭରିଥିଲା ।
