ଭୋପାଳ: ଆଜି ଠାରୁ ପୁଣି ଦେଶରେ ଆରମ୍ଭ ହେଲା ମୋଦି ଯାଦୁ । ପ୍ରଧାନମନ୍ତ୍ରୀ ନରେନ୍ଦ୍ର ଦ୍ବିତୀୟ ଥର ସରକାର ଗଠନ ପାଇଁ ଶପଥ ଗ୍ରହଣ କରିଛନ୍ତି। ମୋଦିଙ୍କୁ ଦ୍ବିତୀୟ ଥର ପ୍ରଧାନମନ୍ତ୍ରୀ ଭାବେ ଖୁସିରେ ଆତ୍ମହରା ହୋଇ ଉଠିଛନ୍ତି ତାଙ୍କ ସମର୍ଥକ । କିଏ ମିଠା ବାଣ୍ଟୁଛି ତ, କିଏ ବାଣ ଫୁଟାଇ ସେଲିବ୍ରେସନ କରୁଛି ।
ହେଲେ ଇନ୍ଦୋରରେ ବିଜେପି କର୍ପୋରେଟର ମୋଦିଙ୍କ ଦ୍ବିତୀୟ ଇନିଂସ ଆରମ୍ଭ କରିବା ଖୁସିରେ ଲୋକଙ୍କ ଜୋତା ପଲିସ କରିଛନ୍ତି । ରାସ୍ତାରେ ଯାଉଥିବା ପ୍ରତ୍ୟେକଟି ଲୋକର ଜୋତା ପଲିସ କରିଥିଲେ । ଯାହାର ଭିଡିଓ ଏବେ ସୋସିଆଲ ମିଡିଆରେ ଘୁରି ବୁଲିଛି । କର୍ପୋରେଟରଙ୍କ ଏହି ନିଆରା ସେଲିବ୍ରେସନକୁ ନେଇ ସୋସିଆଲ ମିଡିଆରେ ପ୍ରତିକ୍ରିୟା ପ୍ରକାଶ ପାଇଛି।
କେହି କେହି କର୍ପୋରେଟରଙ୍କ ଏହି କାମକୁ ତାରିଫ କରିଥିବା ବେଳେ କେହି କେହି ଜୋତା ଚମକାଇବା ବଦଳରେ ରାସ୍ତା ଘାଟ ସଫା କରିବାକୁ ପରାମର୍ଶ ଦେଇଛନ୍ତି ।
