ଚେନ୍ନାଇ: ଆସନ୍ତାକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ 70ତମ ଜନ୍ମଦିନ । ଏହି ଅବସରରେ ତାମିଲନାଡୁ କୋଏମ୍ବାଟୁରର ବିଜେପି କର୍ମୀମାନେ ଶିବନ କାମାଚିର ଅମ୍ମାନ ମନ୍ଦିରରେ ଭଗବାନ ଶିବଙ୍କୁ 70 କିଲୋଗ୍ରାମର ଲଡୁ ଦାନ କରିଛନ୍ତି । ଯାହା ଲୋକମାନଙ୍କ ମଧ୍ୟରେ ବଣ୍ଟନ କରାଯାଇଛି ।
ଏଥିସହ ଏହି ଅବସରରେ ବିଜେପି କର୍ମୀମାନେ ମନ୍ଦିର ବାହାରେ ଏକ ଶୋଭାଯାତ୍ରା କରି ଭଗବାନଙ୍କ ନିକଟରେ ପ୍ରାର୍ଥନା କରିଛନ୍ତି । ଏହାପରେ ଲୋକଙ୍କ ମଧ୍ୟରେ ଲଡୁ ବଣ୍ଟନ କରାଯାଇଛି ।
ଏପଟେ ପ୍ରଧାନମନ୍ତ୍ରୀଙ୍କ ଜନ୍ମଦିନ ଉପଲକ୍ଷେ ବିଜେପି କର୍ମୀମାନେ ଗତ ଏକ ସପ୍ତାହ ଧରି ନିଜକୁ ବିଭିନ୍ନ କାର୍ଯ୍ୟକ୍ରମରେ ନିୟୋଜିତ କରିଥିଲେ । ଏହି କାର୍ଯ୍ୟକ୍ରମ ମଧ୍ୟରେ ଅସହାୟ ଲୋକଙ୍କ ମଧ୍ୟରେ ରାସନ ବଣ୍ଟନ, ରକ୍ତଦାନ ଶିବିର ଆୟୋଜନ ଏବଂ ଚକ୍ଷୁ ଯାଞ୍ଚ ଶିବିର ଆଦି ସାମିଲ ରହିଛି ।
ଏହାଛଡା ସେପ୍ଟେମ୍ବର 14ରେ ବିଜେପି ସପ୍ତାହ ବ୍ୟାପୀ ସେବା ଶପଥ ନାମକ ଏକ ଅଭିଯାନ ଆରମ୍ଭ କରିଥିଲା। ଯାହା ସେପ୍ଟେମ୍ବର 20 ପର୍ଯ୍ୟନ୍ତ ଜାରି ରହିବ ।
@ANI
