ନୂଆଦିଲ୍ଲୀ: ବିଧାନପରିଷଦ ନିର୍ବାଚନ ପ୍ରାର୍ଥୀ ଘୋଷଣା କଲା ବିଜେପି । ଚଳିତମାସରେ ହେବାକୁ ଥିବା ଉତ୍ତରପ୍ରଦେଶ ଓ ବିହାର ବିଧାନ ପରିଷଦ ନିର୍ବାଚନ ପାଇଁ ଦଳୀୟ ପ୍ରାର୍ଥୀଙ୍କ ନାମ ଘୋଷଣା କରିଛି ବିଜେପି । ଏନେଇ ବିଜେପିର କେନ୍ଦ୍ରୀୟ କାର୍ଯ୍ୟାଳୟ ନୂଆଦିଲ୍ଲୀରୁ ଏକ ସୂଚୀ ଜାରୀ ହୋଇଛି ।
ଚଳିତମାସରେ ଉତ୍ତରପ୍ରଦେଶ ବିଧାନ ପରିଷଦରେ 12ଟି ସିଟ ଖାଲିପଡିବ । ଏଠାରେ ଦୁଇ ବର୍ଷ ପାଇଁ ନିର୍ବାଚନ କରାଯିବ । ସେହିପରି ବିହାରରେ ବିଜେପିର ଜାତୀୟ ମୁଖପାତ୍ର ସାହାନୱାଜ ହୁସେନକୁ ପ୍ରାର୍ଥୀ କରାଯିବା ନେଇ ଘୋଷଣା କରାଯାଇଛି । ବିହାର ରାଜନୀତିରେ ସାହାନୱାଜ ହୁସେନଙ୍କ ଏଣ୍ଟ୍ରି ପ୍ରବେଶ ଘଟିବାକୁ ଯାଉଛି । ବିହାରରେ ଅନୁଷ୍ଠିତ ହେବାକୁ ଥିବା ବିଧାନ ପରିଷଦର ଉପ-ନିର୍ବାଚନ ପାଇଁ ବିଜେପି ସାହନାୱାଜ ହୁସେନ୍ଙ୍କୁ ପ୍ରାର୍ଥୀ କରିଛି । ଏହି ପ୍ରସଙ୍ଗରେ ବିଜେପି ଆଜି ଏହି ତାଲିକା ପ୍ରକାଶ କରିଛି ।
ବିହାର ବିଧାନସଭା ନିର୍ବାଚନକୁ ନେଇ 11 ଜାନୁୟାରୀରେ ବିଜ୍ଞପ୍ତି ପ୍ରକାଶ ପାଇଥିଲା । ନାମାଙ୍କନ ଦାଖଲର ଶେଷ ତାରିଖ ରହିଛି 18 ଜାନୁୟାରୀ । 28 ଜାନୁୟାରୀରେ ହେବ ଭୋଟ ଗ୍ରହଣ କରାଯିବ । ସୂଚନାଥାଉକି ଉତ୍ତରପ୍ରଦେଶ ଓ ବିହାରରେ ବିଜେପି ସରକାରରେ ରହିଛି । ଉଭୟ ରାଜ୍ୟର ବିଧାନ ପରିଷଦର ନିର୍ବାଚନରେ ବିଜେପି ନିଜର ପ୍ରାର୍ଥୀଙ୍କ ବିଜୟ ସମ୍ଭାବନା ଅଧିକ ରହିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
