ଆଜି କୁମ୍ଭରେ ବୁଡ ପକାଇବେ ଶାହା

କୁମ୍ଭମେଳାରେ ବୁଡ ପକାଇବା ପାଇଁ ସାଧାରଣ ଲୋକଙ୍କ ଠାରୁ ଆରମ୍ଭ କରି ନେତା ଓ ମନ୍ତ୍ରୀଙ୍କ ସୁଅ ଛୁଟୁଛି। ଏହି ମର୍ମରେ ବୁଧବାର ବିଜେପି ଅଧକ୍ଷ ଅମିତ ଶାହା ବୁଡ ପକାଇବା ପାଇଁ କୁମ୍ଭମେଳାରେ ଯୋଗ ଦେବେ ।

ନୂଆଦିଲ୍ଲୀ: କୁମ୍ଭମେଳାରେ ବୁଡ ପକାଇବା ପାଇଁ ସାଧାରଣ ଲୋକଙ୍କ ଠାରୁ ଆରମ୍ଭ କରି ନେତା ଓ ମନ୍ତ୍ରୀଙ୍କ ସୁଅ ଛୁଟୁଛି। ବୁଧବାର ବିଜେପି ଅଧକ୍ଷ ଅମିତ ଶାହା ବୁଡ ପକାଇବା ପାଇଁ କୁମ୍ଭମେଳାରେ ଯୋଗ ଦେବେ । ସେ ପବିତ୍ର ସଙ୍ଗମରେ ବୁଡ ପକାଇବା ସହ ସେ ସାଧୁସନ୍ଥଙ୍କ ସହ ଆଲୋଚନା କରିବାର ଯୋଜନା ରହିଛି ବୋଲି ଜଣାପଡ଼ିଛି ।

ଚଳିତ ବର୍ଷ କୁମ୍ଭମେଳା ଆରମ୍ଭରୁ ହିଁ ଖୁବ ଚର୍ଚ୍ଚାରେ ରହିଛି। ଶାହା ଏହି ଦିନିକିଆ ଗସ୍ତରେ ଗଙ୍ଗା ଓ ଯମୁନାର ସଙ୍ଗମସ୍ଥଳରେ ଜଳ ଅର୍ପଣ କରିବା ସହ ସାଧୁସନ୍ଥଙ୍କୁ ଭେଟିବେ। ଅଯୋଧ୍ୟାରେ ରାମ ମନ୍ଦିର ନିର୍ମାଣ ପ୍ରସଙ୍ଗକୁ ନେଇ ମଧ୍ୟ ଆଲୋଚନା କରିବେ। ନିକଟରେ ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ କୁମ୍ଭମେଳାରେ ଯୋଗ ଦେଇଥିଲେ।