ଲକ୍ଷ୍ନୌ: ବିଜେପି ସାଂସଦ କମଳେଶ ପାଶୱାନଙ୍କୁ ବର୍ଷେ ଜେଲଦଣ୍ଡାଦେଶ ଶୁଣାଇଛନ୍ତି ଗୋରଖପୁର କୋର୍ଟ । ଏହାସହ ତାଙ୍କୁ 2 ହଜାର ତଣ୍ଡ ମଧ୍ୟ କରିଛନ୍ତି କୋର୍ଟ । 16 ବର୍ଷର ପୁରୁଣା ଏକ ମାମଲାର ଶୁଣାଣି କରି କୋର୍ଟ ଏହି ରାୟ ଦେଇଛନ୍ତି ।
16 ବର୍ଷ ତଳେ ଏକ ରେଳରୋକ କରିଥିବା ନେଇ ଏହି ମାମଲା ରୁଜୁ ହୋଇଥିଲା । ରେଳରୋକ କରିବାକୁ ଅନେକ ଯାତ୍ରୀ ହଇରାଣ ହରକତ ହୋଇଥିବା ଦର୍ଶାଇ ମାମଲା ରୁଜୁ ହୋଇଥିଲା । ତେବେ କମଳେଶ ବାନ୍ସଗାଓଁ ଲଗାତାର 3 ଥରର ବିଜେପି ସାଂସଦ ରହିଛନ୍ତି । ତେବେ ଏହି ଘଟଣା ସମୟରେ ସେ ସମାଜବାଦୀ ପାର୍ଟର ବିଧାୟକ ଥିଲେ ।
2004 ମସିହା ଡିସେମ୍ବର 18 ତାରିଖରେ ଏହି ଘଟଣା ଘଟିଥିଲା । ଯାହାର ଫୈସଲା ଜାନୁଆରୀ 27 ତାରିଖରେ ଆସିଛି । ତେବେ 2011 ମସିହା ନଭେମ୍ବର 14 ତାରିଖ ଦିନ ଏହି ମାମଲାରେ ଆରପିଏଫ କୋର୍ଟରେ ଚାର୍ଜସିଟ୍ ଦାଖଲ କରିଥିଲା ।
ବ୍ୟୁରୋ ରିପୋର୍ଟ, ଇଟିଭି ଭାରତ
