ବେଙ୍ଗାଲୁର: ମହାମାରୀ କୋରୋନାକୁ ନେଇ ସାରା ଦେଶରେ ଲକଡାଉନ ଚାଲିଥିଲା ବେଳେ କର୍ଣ୍ଣାଟକର ବିଜେପି ବିଧାୟକ ସାମାଜିକ ଦୂରତାକୁ ନିୟମକୁ ଉଲ୍ଲଙ୍ଘନ କରି ବହୁତ ଲୋକଙ୍କୁ ଏକତ୍ର କରି ଜନ୍ମଦିନ ପାଳନ କରିଛନ୍ତି । କର୍ଣ୍ଣାଟକର ଥରୁଭେକେର ନିର୍ବାଚନମଣ୍ଡଳୀର ବିଜେପି ବିଧାୟକ ମାସାଲେ ଜୟରାମ ସାମାଜିକ ଦୂରତ୍ବ ନିୟମକୁ ଅବହେଳା କରି ଜନ୍ମଦିନ ପାଳନ କରିଥିବା ଅଭିଯୋଗ ହୋଇଛି ।
କର୍ଣ୍ଣାଟକର ଗୁବି ତାଲୁକ ଜିଲ୍ଲାର ଇଡୁଗୁର ଗାଁରେ ବିଧାୟକ ସାମାଜିକ ଦୂରତା ରକ୍ଷା ନକରି ତାଙ୍କ ଜନ୍ମଦିନ ପାଳନ କରିଛନ୍ତି । ଏହି ପରିପ୍ରେକ୍ଷୀରେ ସୋସିଆଲ୍ ନେଟୱାର୍କରେ ଭିଡିଓ ଏବଂ ଫଟୋ ଭାଇରାଲ ହୋଇଛି | ବିଧାୟକ ସାମାଜିକ ଦୂରତା ରକ୍ଷା ନକରି ଏବଂ ମାସ୍କ ନ ପିନ୍ଧି ନିଜର ଦାୟିତ୍ବହୀନତା ଦେଖାଇଛନ୍ତି ବୋଲି ସ୍ଥାନୀୟ ଲୋକ ଜଣାଇଛନ୍ତି । ବିଧାୟକ ସରକାରୀ ଆଦେଶକୁ ଉଲ୍ଲଂଘନ କରିଛନ୍ତି ଏବଂ ତାଙ୍କ ଜନ୍ମଦିନ ପାଇଁ ବିରିୟାନି ଭୋଜନ କରିଛନ୍ତି ।
ବିଧାୟକଙ୍କ ଏହି ମନୋଭାବ ବର୍ତ୍ତମାନ ସୋସିଆଲ ନେଟୱାର୍କିଂ ସାଇଟରେ ତୀବ୍ର ସମାଲୋଚନାର ଶିକାର ହୋଇଛି । ସେ ପୂର୍ବରୁ କୋରୋନା ଭାଇରସକୁ ନେଇ ସଚେତନତା କାର୍ଯ୍ୟକ୍ରମ କରିଥିଲେ । ତେବେ ପୋଲିସ ଏ ସମ୍ପର୍କରେ କୌଣସି ସ୍ପଷ୍ଟୀକରଣ ଦେଇନାହିଁ କିମ୍ବା ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ମଧ୍ୟ ପ୍ରକାଶ କରିନାହିଁ ।
ବ୍ୟୁରୋ ରିପୋର୍ଟ,ଇଟିଭି ଭାରତ
