ମୁ୍ମ୍ବାଇ: ଭୀମା କୋରେଗାଓଁ ମାମଲାକୁ ଜାତୀୟ ତଦନ୍ତକାରୀ ସଂସ୍ଥା(ଏନଆଇଏ)କୁ ହସ୍ତାନ୍ତର କରିଥିବାରୁ ମହାରାଷ୍ଟ୍ରର ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଧନ୍ୟବାଦ ଜଣାଇଛନ୍ତି । ତଦନ୍ତରୁ ସତ୍ୟ ପଦାକୁ ଆସିଯିବ ବୋଲି ଶରତ ପାୱାର ଏହାକୁ ବିରୋଧ କରୁଥିବା ସେ ପ୍ରକାଶ କରିଛନ୍ତି ।
ଦେବେନ୍ଦ୍ର ଫଡନାଭିସ କହିଛନ୍ତି, ଭୀମା କୋରେଗାଓଁ ମାମଲାକୁ ଏନଆଇଏକୁ ହସ୍ତାନ୍ତର କରିଥିବାରୁ ମୁଁ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଧନ୍ୟବାଦ ଦେଉଛି ।’ ସେହିପରି ସେ ଶିବସେନାକୁ ଆଉଥରେ ନିର୍ବାଚନ ଲଢିବାକୁ ଚ୍ୟାଲେଞ୍ଜ କରିଛନ୍ତି । ବିଜେପି ଏକାକୀ ସମସ୍ତଙ୍କୁ ପରାଜୟ କରିବା କ୍ଷମତା ରଖିଥିବା କଥା ସେ ଉଲ୍ଲେଖ କରିଛନ୍ତି ।
2017 ମସିହା ଡିସେମ୍ବର 31ରେ ପୁନେର ସାନିୱାରୱାଡାର ଇଲଗାର ପରିଷଦ କନକ୍ଲେଭରେ ଦିଆଯାଇଥିବା ଏକ ମନ୍ତବ୍ୟକୁ ନେଇ କୋରେଗାଓଁ ଭୀମ ଯୁଦ୍ଧ ସ୍ମାରକୀରେ ହିଂସାକାଣ୍ଡ ସଂଘଟିତ ହୋଇଥିଲା । ଏହି ମାମଲା ମାଓବାଦୀଙ୍କ ଦ୍ବାରା ସଂଘଟିତ ହୋଇଥିଲା ବୋଲି ପୁନେ ପୋଲିସ ପକ୍ଷରୁ କୁହାଯାଇଥିଲା ।
@ANI
