ନୂଆଦିଲ୍ଲୀ : ପୂର୍ବ ଦିଲ୍ଲୀରୁ ବିଜେପିର ସାଂସଦ ପ୍ରାର୍ଥୀ ହୋଇଥିବା ଗୌତମ ଗମ୍ଭୀରଙ୍କ ବିରୋଧରେ ମାମଲା ରୁଜୁ। ନିର୍ବାଚନ କମିଶନଙ୍କ ବିନା ଅନୁମତିରେ 25 ଏପ୍ରିଲରେ ଗମ୍ଭୀର କରୁଥିଲେ ଜନସଭା । ଏହି ସଂସଦୀୟ କ୍ଷେତ୍ର ଅନ୍ତ୍ରର୍ଗତ ଜଙ୍ଗପୁରା ଅଞ୍ଚଳରେ ସକାଳ 11ଟା ସମୟରେ ସେ ପ୍ରଚାର କରୁଥିବା ଅଭଯୋଗ ଦାଖଲ ହୋଇଛି ।
ନିର୍ବାଚନର ଆଚାରସଂହିତା ଉଲ୍ଲଂଘନ କରିଛନ୍ତି ଗୌତମ । ପୂର୍ବଦିଲ୍ଲୀର ନିର୍ବାଚନ ଅଧିକାରୀ କେ. ମହେଶ ତାଙ୍କ ବିରୋଧରେ ମାମଲା ରୁଜୁ କରିବାକୁ ଦିଲ୍ଲୀ ପୋଲିସକୁ ନିର୍ଦ୍ଦେଶ ଦେଇଥିଲେ । ଏବଂ ଦିଲ୍ଲୀ ପୋଲିସ୍ ଲାଜପତ ନଗର ଥାନାରେ ମାମଲା ରୁଜୁ କରିଛି ।
ଗମ୍ଭୀର ନିର୍ବାଚନର ନିୟମକୁ ମାନିନଥିବା ଯଥେଷ୍ଟ ପ୍ରମାଣ ରହିଛି ବୋଲି କହିଛି ଦିଲ୍ଲୀ ପୋଲିସ୍ । ଯୁଗ୍ମ ପୋଲିସ କମିଶନର ଦେବେଶ ଶ୍ରୀବାସ୍ତବ କହିଛନ୍ତି ଡେପୁଟି ଆକ୍ଟ୍ ଅନୁଯାୟୀ ମାମଲା ଲାଗୁ କରାଯାଇଛି । ଏହି ଆଇନ୍ ଅନୁସାରେ ସଜ୍ଜା ସହ ଜୋରିମନା ମଧ୍ୟ ଦେବାକୁ ପଡିବ ବୋଲି ସେ କହିଛନ୍ତି ।
