ଲୋକସଭାରେ ଏୟାର ଟ୍ରାଫିକ୍ ପ୍ରସଙ୍ଗ ଉଠାଇଲେ ଭର୍ତ୍ତୃହରି ମହତାବ

ଦେଶରେ ଦିନକୁ ଦିନ ଏୟାର ଟ୍ରାଫିକ୍ ବୃଦ୍ଧି ପାଉଥିବା ବେଳେ ଏହାର ଉନ୍ନତିକରଣ ଏବଂ ସୁରକ୍ଷା ପାଇଁ ସରକାର କି ପଦକ୍ଷେପ ନେଇଛନ୍ତି ବୋଲି ଲୋକସଭାରେ ପ୍ରଶ୍ନ କରିଛନ୍ତି ବିଜେଡି ସାଂସଦ ଭର୍ତ୍ତୃହରି ମହତାବ ।

ନୂଆଦିଲ୍ଲୀ: ଲୋକସଭାରେ ଏୟାର ଟ୍ରାଫିକ୍ ପ୍ରସଙ୍ଗ ଉଠାଇଲେ ବିଜେଡି ସାଂସଦ ଭର୍ତ୍ତୃହରି ମହତାବ । ଦେଶରେ ଦିନକୁ ଦିନ ଏୟାର ଟ୍ରାଫିକିଂ ବୃଦ୍ଧି ପାଉଥିବା ବେଳେ ଏହାର ଉନ୍ନତିକରଣ ଏବଂ ସୁରକ୍ଷା ପାଇଁ ସରକାର କି କି ପଦକ୍ଷେପ ନେଇଛନ୍ତି ବୋଲି ସେ ପ୍ରଶ୍ନ କରିଛନ୍ତି । ଏଥିସହ ଦୀର୍ଘ ଦିନରୁ ଏ କ୍ଷେତ୍ରରେ ଦୃଷ୍ଟି ଦିଆଯାଇନଥିବା ଅଭିଯୋଗ କରିଛନ୍ତି ସେ । ଭର୍ତ୍ତୃହରି ୧୯୯୮ ରେ ପ୍ରଥମେ କଟକ ଲୋକସଭା ନିର୍ବାଚନ ମଣ୍ଡଳୀରୁ ନିର୍ବାଚିତ ହୋଇଥିଲେ । ଏହାପରେ ସେ ଲଗାତର ୧୯୯୯, ୨୦୦୪, ୨୦୦୯, ୨୦୧୪ ଏବଂ ୨୦୧୯ ନିର୍ବାଚନରେ କଟକରୁ ଲୋକସଭାକୁ ନିର୍ବାଚିତ ହୋଇଥିଲେ ।