ପାଟଣା: ବିହାର ବିଧାନସଭା ନିର୍ବାଚନକୁ ଦୃଷ୍ଟିରେ ରଖି କଂଗ୍ରେସ ନିଜର ରଣନୀତି ପ୍ରସ୍ତୁତ କରିଛି । ଦଳର ବିହାର ନେତୃବୃନ୍ଦଙ୍କ ସହ କଂଗ୍ରେସ ନେତା ତଥା ଦଳର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଭର୍ଚୁଆଲ ବୈଠକ କରିଛନ୍ତି ।
ବୈଠକରେ ଦଳ କିପରି ରାଜ୍ୟ ସରକାରଙ୍କ ଅପାରଗତାକୁ ସାମ୍ନାକୁ ଆଣି ବିଜୟ ହୋଇପାରିବ, ସେ ନେଇ ଆଲୋଚନା କରାଯାଇଛି । ମିଳିଥିବା ସୂଚନା ଅନୁସାରେ, ବିଧାନସଭା ନିର୍ବାଚନ ପ୍ରଚାର ପାଇଁ ରାହୁଲ ଗାନ୍ଧୀ ଅଧିକାଂଶ ସମୟ ଦେବେ ବୋଲି ରାଜ୍ୟ ନେତୃବୃନ୍ଦଙ୍କୁ ଆଶ୍ବସ୍ତ କରିଛନ୍ତି ।
ସେହିପରି ଆସନ ବୁଝାମଣା ନେଇ ଆଗକୁ ଆଲୋଚନା କରାଯିବ ବୋଲି ସେ କହିଥିବା କୁହାଯାଉଛି । ତେବେ 3 ଘଣ୍ଟା ଧରି ଏହି ବୈଠକ ଅନୁଷ୍ଠିତ ହୋଇଥିବାବେଳେ ରାହୁଲ ଏକଘଣ୍ଟା ଭର୍ଚୁଆଲ ବୈଠକରେ ଉପସ୍ଥିତ ରହିବା ସହ ନେତାଙ୍କ ସହ ଆଲୋଚନା କରିଥିଲେ ।
ବୈଠକରେ ରାଜ୍ୟସଭା ସାଂସଦ ଅଖିଳେଶ ପ୍ରସାଦ ସିଂ କହିଥିଲେ,‘କେନ୍ଦ୍ରମନ୍ତ୍ରୀ ରାମ ବିଳାଶ ପାଶୱାନ ତାଙ୍କ ସହିତ କଥା ହୋଇଥିଲେ ।’ ହେଲେ ଏହା ଉପରେ ରାହୁଲ ଗାନ୍ଧୀ କୌଣସି ପ୍ରତିକ୍ରିୟା ରଖିନଥିବା ସୂଚନା ମିଳିଛି ।
ସୂଚନାଥାଉକି, ଲୋକଙ୍କ ସହିତ ଯୋଡି ହେବା ଲାଗି ପୂର୍ବରୁ ବିଜେପି ବିଭିନ୍ନ ରାଜ୍ୟରେ ଭର୍ଚୁଆଲ ରାଲିର ଆୟୋଜନ କରୁଛି ।
@ANI
