ନୂଆଦିଲ୍ଲୀ: ଲୋକସଭା ନିର୍ବାଚନ ଯେତେ ପାଖେଇ ଆସୁଛିବିଜେପି ଓ କଂଗ୍ରେସ ମଧ୍ୟରେ ଦେଖା ଦେଉଛି ଜୋରଦାର ଲଢେଇ । ବିଗତ ଲୋକସଭା ନିର୍ବାଚନରେ ଦେଶର ସବୁଠାରୁ ପୁରୁଣା ଦଳ କଂଗ୍ରେସ ବିରୋଧୀ ଦଳର ମାନ୍ୟତା ପାଇଁ ଯୋଗ୍ୟ ଆସନ ମଧ୍ୟ ପାଇ ପାରି ନଥିଲେ । ଦଳ ୪୪ଟି ଆସନରେ ସୀମିତ ରହିଯାଇଥିଲା। ଅନ୍ୟପକ୍ଷେ ନିକଟ ଅତୀତରେ ହୋଇଥିବା ବିଧାନସଭା ନିର୍ବାଚନଗୁଡିକରେ କଂଗ୍ରେସ ବିଜେପିକୁ ଦେଇଥିଲା କଡା ଟକ୍କର । ୨୦୧୭ର ବିଧାନସଭା ନିର୍ବାଚନରେ ପ୍ରଧାନମନ୍ତ୍ରୀ ମୋଦିଙ୍କରାଜ୍ୟ ଗୁଜୁରାଟରେ ଯାଇ ରାହୁଲ ବିଜେପି ପାଇଁ ସୃଷ୍ଟି କରିଥିଲେଚ୍ୟାଲେଞ୍ଜ । ଏହି ନିର୍ବାଚନରେ ବିଜେପି ୧୮୨ଟି ବିଧାନସଭା ଆସନରୁ ମାତ୍ର ୯୯ ଆସନରେ ସୀମିତ ରହିଯାଇଥିଲା।
୨୬ ଲୋକସଭା ଆସନ ଓ ୧୮୨ ବିଧାନସଭା ଆସନ ଥିବା ଗୁଜୁରାଟବିଜେପି ନେତା ନରେନ୍ଦ୍ର ମୋଦି ଓ ଅମିତ ଶାହାଙ୍କ ଗଡ ଭାବେ ପରିଚିତ ।ପ୍ରାୟ ୨୦ ବର୍ଷ ଧରି ବିଜେପି ଏଠାରେ କ୍ଷମତାରେ ରହି ଆସୁଅଛି । ୧୯୯୫ ବିଧାନସଭା ନିର୍ବାଚନ ପରେ ରାଜ୍ୟରେ ବିଜେପି କ୍ଷମତାରେ ରହି ଆସୁଛି। କିନ୍ତୁ ୨୦୧୭ ବିଧାନସଭା ନିର୍ବାଚନରେ 3ଯୁବନେତା ହାର୍ଦ୍ଦିକ ପଟେଲ, ଜିଗ୍ନେଶ ମେୱାନୀ ଓ କଳ୍ପେଶ ଠାକୁରଙ୍କ ସହ କଂଗ୍ରେସ ଠାରୁ କଡା ଟକ୍କର ପାଇଥିଲା ବିଜେପି। ଏହି ନିର୍ବାଚନରେ ବିଜେପି ୧୦୦ଟି ଆସନ ମଧ୍ୟ ଛୁଇଁ ପାରି ନଥିଲା । ଅନ୍ୟପକ୍ଷେ କଂଗ୍ରେସ ହାତରେ ୭୮ଟି ଆସନ ଆସିଥିଲା । ୧୯୯୧ ପରେ ବିଜେପି ଖାତାରେ ସବୁଠାରୁ ଅଧିକ ଲୋକସଭା ଆସନ ଆସୁଛି । ୧୯୯୧ରେ ୨୦, ୧୯୯୬ରେ ୧୬, ୧୯୯୮ରେ ୧୯, ୧୯୯୯ରେ ୨୦, ୨୦୦୪ରେ ୧୪, ୨୦୦୯ରେ ୧୫ ଓ ୨୦୧୪ରେ ରାଜ୍ୟର ଲୋକସଭା ଆସନର ସମସ୍ତ ୨୬ଟି ଆସନ ମିଳିଥିଲା ।
ଯେତେବେଳେ ବିଜେପିକୁ ଗୁଜୁରାଟ ହରାଇବା ସ୍ଥିତି ଉପୁଜିଥିଲା-
୨୦୧୪ ଲୋକସଭା ନିର୍ବାଚନ ପରେ ମୋଦି ଗୁଜୁରାଟ ଛାଡି ଦିଲ୍ଲୀ ଅଭିମୂଖେ ଅଗ୍ରସର ହୋଇଥିଲେ । ୨୦୧୭ ବିଧାନସଭା ନିର୍ବାଚନରେ ଦଳକୁ ବହୁ କଠିନ ପରିସ୍ଥିତିର ସାମ୍ନା କରିବାକୁ ପଡିଥିଲା । କଷ୍ଟ ମଷ୍ଟେ ବିଜେପି ନିଜ କ୍ଷମତା ହରାଇବାରୁରକ୍ଷା ପାଇଯାଇଥିଲା । ୨୦୧୪ ଲୋକସଭା ନିର୍ବାଚନରେ ବିଜେପି ଷ୍ଟ୍ରାଇକ ରେଟ ୧୦୦ ପ୍ରତିଶତ ଥିଲା କିନ୍ତୁ ଏହାପରେ ଦଳ ୨୦୧୭ରେ ବଡ ଝଟକା ଲାଗିଥିଲା । ୨୦୧୭ ବିଧାନସଭା ନିର୍ବାଚନରେ ବିଜେପି ନିଜ ପ୍ରଦର୍ଶନ ଯଦି କରି ପାରିଥାନ୍ତା, ତେବେ ୧୬୫ ଆସନ ଜିତିବାର ସମ୍ଭାବନା ଥିଲା । କିନ୍ତୁ ବିଜେପି ଏମିତି କରି ପାରିନାହିଁ । ଦଳକୁ ୯୯ଟି ଆସନରେ ସନ୍ତୁଷ୍ଟ ହେବାକୁ ପଡିଥିଲା । ଏହି ନିର୍ବାଚନରେ ପିଏମ ମୋଦି ୧୫ ଦିନରେ ୩୮ଟି ଜନସଭା କରିଥିଲେ । ସେହିପରି ଦଳର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ଅମଦାବାଦରେ ୧୨-୧୫ ଦିନ ଯାଏଁ ରହିଥିଲେ । ଦଳକୁ ଡର ଲାଗିବାକୁ ଲାଗିଥିଲା ଯେ ତାର ଗଡ ଗୁଜୁରାଟ ତା ହାତରୁ ଚାଲି ଯାଉଛି । ଏହି ନିର୍ବାଚନରେ ଦଳ ପରାଜୟରୁ ବଞ୍ଚି ଯାଇଥିଲେ ମଧ୍ୟ କଂଗ୍ରେସ ବିଜେପି ଗଡକୁ ଭାଙ୍ଗିବାର କ୍ଷମତା ରଖିଛି ବୋଲି ଏହି ନିର୍ବାଚନରୁ ଜଣାପଡିଥିଲା ।
ବର୍ତ୍ତମାନର ପରିସ୍ଥିତି-
୨୦୧୭ ବିଧାନସଭା ନିର୍ବାଚନରେ କଂଗ୍ରେସ ଗ୍ରାମୀଣ କ୍ଷେତ୍ରରେ ଭଲ ପ୍ରଦର୍ଶନ କରିଥିଲା । କିନ୍ତୁ କଂଗ୍ରେସର ସବୁଠାରୁ ବଡ ଦୁର୍ବଳତା ହେଉଛି ସହରୀ ଅଞ୍ଚଳ । ଏହା ଗୋଟିଏ ପ୍ରକାର ବିଜେପିର ଗଡ କହିଲେ ଅତୁକ୍ତ ହେବନାହିଁ । ଯାହାକୁ କଂଗ୍ରେସ ୨୦୧୭ରେ ଭେଦ କରି ପାରି ନଥିଲା । ସେହିପରି ବିଜେପି ଗୁଜୁରାଟର ଗ୍ରାମୀଣ ଅଞ୍ଚଳରେ ବହୁତ ଦୁର୍ବଳ । ତେଣୁ ସେଠାକାର ପରିସ୍ଥିତି ଅନୁସାରେ ବର୍ତ୍ତମାନର ଲୋକସଭା ନିର୍ବାଚନରେ ଏହି ଟ୍ରେଣ୍ଡ ଚାଲି ପାରେ । କଂଗ୍ରେସ ପ୍ରାୟ ୧୦ ଲୋକସଭା ଆସନ ଉପରେ କଠିନ ପରିଶ୍ରମ କରୁଛି । ଯାହା ବିଜେପି ପାଇଁ ଚ୍ୟାଲେଞ୍ଜ ସୃଷ୍ଟି କରିବ ବୋଲି ରାଜନୈତିକ ବିଶେଷଜ୍ଞ କହନ୍ତି । ରାଜ୍ୟର ଆଦିବାସୀ, କେନ୍ଦ୍ର ଗୁଜୁରାଟ ଓ ଗ୍ରାମୀଣ ଅଞ୍ଚଳରେ କଂଗ୍ରେସର ବେଶ ପ୍ରଭାବ ରହିଛି ।
ଗୁଜୁରାଟର ୨୦୧୭ ବିଧାନସଭା ନିର୍ବାଚନରେ ରାଜ୍ୟର ୩ ବଡ ଯୁବ ନେତା ପାଟିଦାର ଆନ୍ଦୋଳନ ଆବାହକ ହାର୍ଦ୍ଦିକ ପଟେଲ, ଉନାବ କାଣ୍ଡରୁ ଚର୍ଚ୍ଚାକୁ ଆସିଥିବା ଦଳିତ ନେତା ଜିଗ୍ନେଶ ମେଓ୍ବାନୀ ଓ ଓବେସି ନେତା କଳ୍ପେଶ ଠାକୁର ବଡ ଭୂମିକା ନିର୍ବାହ କରିଥିଲେ । ଏମାନେ ବିଜେପି ପାଇଁ ବଡ ଚ୍ୟାଲେଞ୍ଜ ସୃଷ୍ଟି କରିଥିଲେ । ଏହି ଯୁବ ନେତାମାନେ ବେରୋଜଗାର, ବିଜେପିର ସାମ୍ପ୍ରଦାୟିକ ନୀତିର ବିରୋଧ କରିଥିଲେ । ଯାହାର ପରିଣାମ ବିଜେପିକୁ ଭୋଗିବାକୁ ପଡିଥିଲା । ବର୍ତ୍ତମାନ ଉପରୋକ୍ତ ଦୁଇ ଯୁବ ନେତା କଳ୍ପେଶ ଠାକୁର ଓ ହାର୍ଦ୍ଦିକ ପଟେଲ କଂଗ୍ରେସରେ ଅଛନ୍ତି । ଏମାନେ କଂଗ୍ରେସ ପାଇଁ ପ୍ରଚାର କରିବେ । ପାଟିଦାର ସମାଜର ଭୋଟ ଗୁଜୁରାଟ ନିର୍ବାଚନରେ ନିର୍ଣ୍ଣାୟକ ଭୂମିକା ଗ୍ରହଣ କରିଥାଏ । ବର୍ତ୍ତମାନ ହାର୍ଦ୍ଦିକ ପଟେଲଙ୍କ କଂଗ୍ରେସରେ ମିଶ୍ରଣ ପରେ ଲୋକସଭା ନିର୍ବାଚନରେ ଏହାର କେତେ ପ୍ରଭାବ ପଡିବ ତାହା ସମୟ ହିଁ କହିବ । ସେହି ପରି ଜିଗ୍ନେଶ ମେଓ୍ବାନୀ ମଧ୍ୟ ବିଜେପି ବିରୋଧରେ ପ୍ରଚାର କରିବେ । ୨୦୧୪ରେ ବିଜେପି ୨୬ଟି ଲୋକସଭା ଆସନ ଜିତିଥିଲା । ବର୍ତ୍ତମାନ ଯଦି ବିଜେପି ଗୋଟିଏ ଆସନ ହରାବ ମଧ୍ୟ ତାହା ବିଜେପିକୁ ହିଁ କ୍ଷତି ପହଞ୍ଚିବ । ବିଜେପି ଗଡରେ କଂଗ୍ରେସ କେତେ ଭେଦ କରି ପାରୁଛି ତାହା ସମୟ କହିବ । କିନ୍ତୁ ଏଥର ଲୋକସଭା ନିର୍ବାଚନ ଗୁଜୁରାଟରୁ କିଛି ପରିବର୍ତ୍ତନ ଆଣିବ ।
