ପାଟନା: ବିହାରରେ ଦିନକୁ ଦିନ ଅସାମାଜିକ କାର୍ଯ୍ୟ ବଢିବାରେ ଲାଗିଛି । ଏହା ସହିତ ଆଇନ ଶୃଙ୍ଖଳା ପରିସ୍ଥିତି ମଧ୍ୟ ବଢିବାରେ ଲାଗିଛି । ନିକଟରେ ଜଣେ ଯୁବକଙ୍କୁ ମାଡ଼ ମାରୁଥିବାର ଏକ ଭିଡ଼ିଓ ଏବେ ଭାଇରାଲ ହେବାରେ ଲାଗିଛି ।
ମିଳିଥିବା ସୂଚନା ମୁତାବକ ଭାଇରାଲ ହେଉଥିବା ଭିଡ଼ିଓରେ ଜଣେ ଯୁବକଙ୍କ ଗୋଡ଼ହାତକୁ ବାନ୍ଧି ତଳେ ପକାଇ ଦିଆଯାଇଛି । ତଳେ ପକାଇ ଉକ୍ତ ଯୁବକଙ୍କୁ ନିର୍ଦ୍ଧୁମ ମାଡ଼ ମାରୁଥିବା ଦେଖିବାକୁ ମିଳିଛି । ତେବେ ଏଥିରୁ ବର୍ତ୍ତିବା ପାଇଁ ଉକ୍ତ ଯୁବକ ଜଣକ ଗୁହାରି କରୁଥିଲେ ମଧ୍ୟ ଅଭିଯୁକ୍ତମାନେ ତାଙ୍କ କଥା ଶୁଣୁନଥିବା ଦେଖିବାକୁ ମିଳିଛି ।
ତେବେ ଏହି ଘଟଣାଟି ଏକ ନିଛାଟିଆ ଅଞ୍ଚଳରେ ବୋଲି ଜଣାପଡ଼ିଛି । ରାତିରେ ଏହି କାଣ୍ଡକୁ ଭିଆଯାଇଥିବା ଉକ୍ତ ଭିଡ଼ିଓରେ ଭାଇରାଲ ହେଉଥିବା ଦେଖିବାକୁ ମିଳିଛି । ସେପଟେ ଏହି ଭିଡ଼ିଓକୁ ଆଧାର କରି ପୋଲିସ ତଦନ୍ତ ଆରମ୍ଭ କରିଛି ।
ଭିଡ଼ିଓରେ ଦେଖାଯାଉଥିବା ଅଭିଯୁକ୍ତଙ୍କ ମଧ୍ୟରୁ ଜଣକୁ ଗିରଫ କରିଥିବା ଜଣାପଡ଼ିଛି । ଏନେଇ ଏସପି ଦିଲନଓ୍ବାଜ ଅହମ୍ମଦ କହିଛନ୍ତି କି, ଜଣେ ଯୁବକଙ୍କୁ ମାଡ଼ ମରାଯାଉଥିବାର ଏକ ଭିଡ଼ିଓ ଭାଇରାଲ ହେବାରେ ଲାଗିଛି । ଏହି ଭିଡ଼ିଓକୁ ଆଧାର କରି ପୋଲିସ ତଦନ୍ତ ଆରମ୍ଭ କରିଛି । ଏହି ମାମଲାରେ ଜଣକୁ ଅଟକ ରଖି ପୋଲିସ ପଚରାଉଚୁରା କରୁଛି ବୋଲି ସେ କହିଥିଲେ ।
