ଲକ୍ଷ୍ନୌ: ଧର୍ମ ନଗରୀ ଅଯୋଧ୍ୟାରେ ନିର୍ମିତ ହେବାକୁ ଯାଉଛି ବହୁ ପ୍ରତୀକ୍ଷିତ ରାମ ମନ୍ଦିର । ଏଥିପାଇଁ ଉତ୍ତରପ୍ରଦେଶର ରସୁଲାବାଦରେ ସନ୍ଦୀପ ବର୍ମା ନାମକ ଜଣେ ଇଟାଭାଟି ମାଲିକ 51 ହଜାର ଇଟା ତିଆରି କରୁଥିବା ଜଣାପଡିଛି।
ଭିଡିଓ ସୌଜନ୍ୟ:ଏଏନଆଇ
ବହୁଚର୍ଚ୍ଚିତ ଅଯୋଧ୍ୟାର ମାମଲାର ରାୟ ଆସିବା ପରେ ଇଟାଭାଟି ମାଲିକ ତୁରନ୍ତ ରାମ ମନ୍ଦିର ନିର୍ମାଣ ପାଇଁ ଆବଶ୍ୟକ ହେଉଥିବା ଇଟା ଦାନ କରିବାକୁ ନିଷ୍ପତ୍ତି ନେଇଥିଲା । ଏହି ଇଟା ନିର୍ମାଣ କାର୍ଯ୍ୟରେ 106 ଜଣ ଶ୍ରମିକ ଲାଗିଛନ୍ତି । ଏହାସହିତ ଇଟାର ଶୁଦ୍ଧତା ଜାଣିବା ପାଇଁ ସେମାନେ ଭାଟି ଭିତରକୁ ଚପଲ ପିନ୍ଧି ଯାଉନାହାଁନ୍ତି । ଏହି ଇଟା ଡୋମନାଥ ମାଟିରେ ନିର୍ମାଣ ହେଉଛି । ଚଳିତ ବର୍ଷ ଡିସେମ୍ବର ଶେଷ ସୁଦ୍ଧା ଇଟା ନିର୍ମାଣ କାମ ଶେଷ ହେବ ବୋଲି ମାଲିକ ସନ୍ଦୀପ ବର୍ମା ଜଣାଇଛନ୍ତି।
