ନୂଆଦିଲ୍ଲୀ: ପ୍ରକୃତ ନିୟନ୍ତ୍ରଣ ରେଖା ବା ଏଲଏସିକୁ ନେଇ ଚୀନର ମନ୍ଦ ଉଦ୍ଦେଶ୍ୟ କାରଣରୁ ସମଗ୍ର ଦେଶରେ ଚୀନ ବିରୋଧୀ ବାତାବରଣ ସୃଷ୍ଟି ହୋଇଛି । ଏପଟେ ଭାରତ ସରକାର ସୋମବାର 59ଟି ଚାଇନିଜ୍ ଆପ୍ ବ୍ୟାନ କରିଛନ୍ତି । ତେବେ ଆପ ବ୍ୟାନ ମାମଲାରେ ପୂର୍ବତନ ଆଟର୍ଣ୍ଣି ଜେନେରାଲ୍ ମୁକୁଲ ରୋହତଗୀ ଟିକଟକ୍ କମ୍ପାନୀ ସପକ୍ଷରେ ସୁପ୍ରିମକୋର୍ଟରେ ଓକିଲାତି କରିବାକୁ ମନା କରି ଦେଇଛନ୍ତି ।
ବରିଷ୍ଠ ଓକିଲ ମୁକୁଲ ରୋହତଗୀ ସୁପ୍ରିମକୋର୍ଟରେ କହିଛନ୍ତି ଯେ ଟିକଟକ ପାଇଁ ଓକିଲାତି କରି ସେ ଭାରତ ସରକାରଙ୍କ ବିରୋଧରେ ଯୁକ୍ତି ଉପସ୍ଥାପନ କରିବେ ନାହିଁ । ପ୍ରକାଶଥାଉକି, ଦେଶର ସୁରକ୍ଷା ପ୍ରତି ବିପଦ ଏବଂ ତଥ୍ୟ ଚୋରୀ ଅଭିଯୋଗରେ ମୋଦି ସରକାର ଚୀନ ଆପ ବ୍ୟାନ କରିଛନ୍ତି । ସୋମବାର ରାତିରେ ଟିକଟକ୍ ସମେତ 59 ଟି ଚାଇନିଜ୍ ଆପ୍ ଉପରେ ପ୍ରତିବନ୍ଧକ ଲଗାଯାଇଛି।
ମୋଦି ସରକାରଙ୍କ ନିଷ୍ପତ୍ତି ପରେ ଟିକଟକ୍ ପକ୍ଷରୁ ସ୍ପଷ୍ଟୀକରଣ ଦିଆଯାଇଛି । ଟିକଟକ୍ କହିଛି, ସରକାରଙ୍କ ନିର୍ଦ୍ଦେଶ ପାଳନ କରାଯିବ କିନ୍ତୁ ତାଙ୍କ ତରଫରୁ କୌଣସି ଭାରତୀୟ ୟୁଜର୍ସଙ୍କ ସୂଚନା ଚୀନ କିମ୍ବା ଅନ୍ୟଦେଶ ସହ ସେୟାର କରାଯାଇନାହିଁ ।
