ଇନ୍ଦୋର: ଆଉ କିଛି ଘଣ୍ଟାର ଅପେକ୍ଷା ଆସିବ ଦିଲ୍ଲୀ ନିର୍ବାଚନର ଜନାଦେଶ । ଜନାଦେଶ କାହା ସପକ୍ଷରେ ଯିବ ତାହାକୁ ସମସ୍ତଙ୍କ ଅପେକ୍ଷା । ଦିଲ୍ଲୀ ମୁଖ୍ୟମନ୍ତ୍ରୀ ଭାବେ ଅରବିନ୍ଦ କ୍ରେଜିୱାଲ ନିଜ ପଦ ବଜାୟ ରଖିବେ ନାହିଁ, ବିଜେପି କିମ୍ବା କଂଗ୍ରେସକୁ ମିଳିବ ଜନମତ । ଏଭଳି ତମାମ ପ୍ରଶ୍ନ ଲୋକଙ୍କୁ ଘାରିଥିବା ବେଳେ ମଧ୍ୟପ୍ରଦେଶର ଇନ୍ଦୋରରେ ଦେଖିବାକୁ ମିଳିଛି ଆମ ଆଦମି ପାର୍ଟିର ଇଫେକ୍ଟ ।
ଯେଉଁଠି ଦିନେ ଦଳର ବ୍ୟାନର କିମ୍ବା ପତକା ପାଇଁ ଲୋକେ ହଇରାଣ ହେଉଥିଲେ ସେଠି ଏବେ ଅନ୍ୟାନ ଦଳର ବ୍ୟାନର ଭଳି ଆପ୍ର ବି ପୋଷ୍ଟର ବ୍ୟାନର ଉପଲବ୍ଧ ହେଉଛି । ଏବେ ଦିଲ୍ଲୀରେ ଭୋଟ ଗଣନା ଚାଲିଥିବା ବେଳେ ଆପ୍ ଅନେକ ବିଧାନସଭା ଆସନରେ ଆଗୁଆ ରହିଛି । ଯାହାକୁ ନେଇ ମଧ୍ୟପ୍ରଦେଶର ଇନ୍ଦୋରର ବିଭିନ୍ନ ଦୋକାନରେ ଆପ୍ର ପୋଷ୍ଟର ବ୍ୟାନର ବିକ୍ରି ହେବା ଆରମ୍ଭ ହେଇଗଲାଣି । ଆଗକୁ ମଧ୍ୟ ପ୍ରଦେଶରେ ପଞ୍ଚାୟତ ନିର୍ବାଚନ ଥିବାରୁ ଏବେଠୁ ଦୋକାନ ବଜାରରେ ସଜେଇ ହୋଇଗଲାଣି ଆପ୍ର ପତକା । ଆଗକୁ ବର୍ଷସାରା ଆପ୍ର ସାମଗ୍ରୀ ବିକ୍ରି ହେବ ବୋଲି କହିଛନ୍ତି ଦୋକାନୀ ।
ବ୍ୟୁରୋ ରିପୋର୍ଟ, ଇଟିଭି ଭାରତ
