ପାନାଜୀ: ଲକଡାଉନ ପାଇଁ ଚାରିଆଡେ ଖାଦ୍ୟାଭାବ ଦେଖାଦେଇଛି । ଆଉ ଏହାର ମୁକାବିଲା କରିବାପାଇଁ ସମସ୍ତ ପ୍ରକାର ସୁବିଧା ଯୋଗାଇ ଦେଉଛନ୍ତି ସରକାର । ଆଉ ଗୋଆରେ ମଧ୍ୟ ଏନେଇ ଲୋକଙ୍କ ପାଇଁ ସମସ୍ତ ସୁବିଧା ଯୋଗାଇ ଦେବାନେଇ ସରାକାର ଅଣ୍ଟା ଭିଡିଛନ୍ତି ।
ରାଜ୍ୟରେ ପ୍ରାୟ 2500 ପ୍ରବାସୀ ଶ୍ରମିକଙ୍କ ପାଇଁ ଖାଦ୍ୟ ଏବଂ ଆଶ୍ରୟସ୍ଥଳ ବ୍ୟବସ୍ଥା କରିଛନ୍ତି ଗୋଆ ସରକାର । ଗାଁରେ ବସବାସ କରୁଥିବା ଲୋକମାନଙ୍କ ପାଇଁ ମଧ୍ୟ ପର୍ଯ୍ୟାପ୍ତ ଖାଦ୍ୟ ନାହିଁ । ସେମାନେ ଡେପୁଟି କଲେକ୍ଟରମାନଙ୍କ ସହିତ ପଞ୍ଜୀକୃତ କରାଇ ଏହି ସୁବିଧା ପାଇପାରିବେ । ଏହାସହ ପ୍ରତ୍ୟେକ ଜିଲ୍ଲାରେ ଶିବିର ସୃଷ୍ଟି କରିଥିବା ସୂଚନା ଦେଇଛନ୍ତି ଗୋଆ ସିଏମ୍ ପ୍ରମୋଦ ସାୱନ୍ତ ।
