ଡେରାଡୁନ୍: ଗତ 19 ବର୍ଷ ମଧ୍ୟରେ ଉତ୍ତରାଖଣ୍ଡରେ ପ୍ରାୟ 4 ହଜାର ମହିଳା ଦୁଷ୍କର୍ମର ଶିକାର ହୋଇଛି । ସୂଚନା ଅଧିକାରୀ ଅଧିନିୟମ ଅନୁଯାୟୀ ଗ୍ରହଣ କରାଯାଇଥିବା ତଥ୍ୟରୁ ଏଭଳି ରିପୋର୍ଟ ସାମ୍ନାକୁ ଆସିଛି । ସୂଚାନାନୁସାର, 19 ବର୍ଷ ମଧ୍ୟରେ 3956ଟି ଦୁଷ୍କର୍ମ ମାମଲା ରୁଜୁ କରାଯାଇଛି । ଏହାସହ 19ଜଣ ମହିଳାଙ୍କ ଉପରେ ଏସିଡ୍ ଆଟାକ୍ କରାଯାଇଛି ।
ଡେପୁଟି ଇନ୍ସପେକ୍ଟର ଜେନେରାଲଙ୍କ ଠାରୁ ସୂଚନା ଅଧିକାର ଅଧିନିୟମ ରିପୋର୍ଟ ପାଇ ହାଲଦୱାନି ବାସିନ୍ଦା ହେମନ୍ତ ଗୋନିଆ କହିଛନ୍ତି ଯେ 2019 ସୁଦ୍ଧା ପୋଲିସ ବିଭିନ୍ନ ପୋଲିସ ଷ୍ଟେସନରେ 3956 ମହିଳାଙ୍କ ଉପରେ ଦୁଷ୍କର୍ମ ମାମଲା ପଞ୍ଜୀକରଣ ହୋଇଛି । ଦୁଷ୍କର୍ମ ପୀଡିତାଙ୍କୁ ଆର୍ଥିକ ସହାୟତା ଏବଂ ଏସିଡ୍ ଆକ୍ରମଣ ପୀଡିତାଙ୍କୁ 17 ଲକ୍ଷ 90 ହଜାର ଟଙ୍କା ଆର୍ଥିକ ସହାୟତା ଯୋଗାଇ ଦେବାରେ ସରକାରଙ୍କର 4 କୋଟି 81 ଲକ୍ଷ 80 ହଜାର ଟଙ୍କା ଖର୍ଚ୍ଚ ହୋଇଛି।
ଏନେଇ ହେମନ୍ତ ଗୋନିଆ କହିଛନ୍ତି, ଦେବଭୂମୀ ଉତ୍ତରାଖଣ୍ଡରେ ଦିନକୁ ଦିନ ଅପରାଧର ଗ୍ରାଫ୍ ବଢିବାରେ ଲାଗିଛି । ଦୁଷ୍କର୍ମର ରିପୋର୍ଟ ପ୍ରତିବର୍ଷ ବଢିବାରେ ଲାଗିଛି କିନ୍ତୁ ସରକାର ଏନେଇ ଧ୍ୟାନ ଦେଉ ନାହାଁନ୍ତି । ଏପରି ସ୍ଥିତିରେ ସରକାରଙ୍କୁ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ୍ ।
ବ୍ୟୁରୋ ରିପୋର୍ଟ, ଇଟିଭି ଭାରତ
