ପାଟନା: ନିଜର ରାଜ୍ୟର ସମୃଦ୍ଧି ବଖାଣିଲେ ବିହାର ମୁଖ୍ୟମନ୍ତ୍ରୀ ନିତୀଶ କୁମାର। ଜେଡିୟୁର ଶାସନ କାଳରେ ରାଜ୍ୟରେ ହୋଇଥିବା ବିଭିନ୍ନ ଉନ୍ନତିମୂଳକ କାର୍ଯ୍ୟର ଏକ ତାଲିକା ପ୍ରଦାନ କରିଛନ୍ତି। ମୁଖ୍ୟମନ୍ତ୍ରୀ ନିତୀଶ କୁମାର କହିଛନ୍ତି ଯେ ରାଜ୍ୟରେ ରାସ୍ତା ଓ ବିଦ୍ୟୁତ ସ୍ଥିତିରେ ବହୁତ ଉନ୍ନତି ହୋଇଛି। ତାଙ୍କ ସରକାର ସଫଳତାର ସହ ଆଇନ ଶୃଙ୍ଖଳା ପରିସ୍ଥିତି ପ୍ରତିଷ୍ଠା କରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ସେ ତାଙ୍କ କାର୍ଯ୍ୟ ବିଷୟରେ ବିଜ୍ଞାପନ ଦେବା ପରିବର୍ତ୍ତେ କାମ କରିବାରେ ଅଧିକ ବିଶ୍ୱାସ କରନ୍ତି ।
ଜେଡିୟୁର ଭର୍ଚୁଆଲ୍ ରାଲିକୁ ସମ୍ବୋଧିତ କରି ସେ କହିଛନ୍ତି, '' ଯୁବକମାନେ ଆଜି ରାଜ୍ୟର ଅତୀତର ପରିସ୍ଥିତି ବିଷୟରେ ଜାଣି ନାହାଁନ୍ତି। ତେଣୁ ସେମାନେ ଏହା ବିଷୟରେ ଜାଣିବା ଉଚିତ୍ ଯାହାଦ୍ୱାରା ସେମାନେ ଅତୀତ ଏବଂ ବର୍ତ୍ତମାନର ପରିସ୍ଥିତି ମଧ୍ୟରେ ପାର୍ଥକ୍ୟ ବୁଝି ପାରିବେ। ''
ରାଜ୍ୟରେ କୋରୋନାଭାଇରସ୍ ପରିସ୍ଥିତି ସମ୍ପର୍କରେ ନୀତୀଶ କହିଛନ୍ତି ଯେ, 'ବିହାରର ଅନେକ ଲୋକ କୌଣସି ସୂଚନା ବିନା ଆମକୁ ସମାଲୋଚନା କରୁଛନ୍ତି। ମାର୍ଚ୍ଚରେ, ଆମେ କୋଭିଡ୍ ପାଇଁ ପରୀକ୍ଷା କ୍ଷମତା ବୃଦ୍ଧି କରିବାକୁ ନିଷ୍ପତ୍ତି ନେଇଥିଲୁ ଏବଂ ଆଜିକା ଦିନରେ ପ୍ରତ୍ୟେକ ଦିନ 1 ଲକ୍ଷ 50 ହଜାରରୁ ଅଧିକ ଲୋକ ପରୀକ୍ଷା କରୁଛନ୍ତି ।
ସେ କହିଛନ୍ତି ଯେ ଲକଡାଉନ ସମୟରେ ବିହାର ସରକାରଙ୍କ ଠାରୁ ସାଧାରଣ ଲୋକେ 20.95 ଲକ୍ଷ ଲୋକ ଆର୍ଥିକ ସହାୟତା ପାଇଥିଲେ। 1.5 ମିଲିୟନରୁ ଅଧିକ ଲୋକଙ୍କୁ କ୍ବାରେଣ୍ଟିନ କେନ୍ଦ୍ରରେ ରଖାଯାଇଥିଲା। ଏହାସହ ରାସନ କାର୍ଡଧାରୀଙ୍କୁ ଦେଢ କିଲୋଗ୍ରାମ ଅତିରିକ୍ତ ରାସନ ଦିଆଯାଇଛି।
ବନ୍ୟା ପରିସ୍ଥିତିର ମୁକାବିଲା ପାଇଁ ବିହାର ସରକାରଙ୍କ ଉଦ୍ୟମକୁ ସେ ପ୍ରଶଂସା କରିବା ସହ ବନ୍ୟା ପ୍ରଭାବିତ 83 ଲକ୍ଷ ଲୋକଙ୍କୁ ସହାୟତା ଯୋଗାଇ ଦିଆଯାଇଥିବା ସେ କହିଛନ୍ତି। ସେ ଆହୁରି ମଧ୍ୟ କହିଛନ୍ତି, '' ଆମେ ଶୂନ୍ୟ ସହନଶୀଳତା ନୀତିରେ କାର୍ଯ୍ୟ କରୁଛୁ।
ଆରଜେଡିକୁ ଟାର୍ଗେଟ କରି ସେ କହିଛନ୍ତି, '' ଆରଜେଡି ଏତେ ଦିନ ଶାସନ କରିଥିଲା କିନ୍ତୁ ଶ୍ମଶାନର ନିର୍ମାଣ କାମ ମଧ୍ୟ ଠିକ୍ ଭାବରେ କରିପାରି ନଥିଲା। କିନ୍ତୁ ଆମ ସରକାରରେ ପ୍ରତ୍ୟେକ କାର୍ଯ୍ୟକୁ ଧ୍ୟାନ ଦିଆଯାଉଛି। ନୀତିଶ କୁମାର କହିଛନ୍ତି ଯେ ପ୍ରବାସୀ ଶ୍ରମିକମାନଙ୍କୁ ନିଯୁକ୍ତି ଦେବା ପାଇଁ କେନ୍ଦ୍ର ଓ ରାଜ୍ୟ ସରକାର ଯୋଜନା ଆରମ୍ଭ କରିଛନ୍ତି। ବିହାରର 32 ଟି ଜିଲ୍ଲା କେନ୍ଦ୍ରୀୟ ଯୋଜନାର ଲାଭ ହାସଲ କରୁଛନ୍ତି ତେଣୁ ଲୋକମାନେ ବାସ୍ତବତା ନ ଜାଣି ଆମ ବିରୁଦ୍ଧରେ କହିବା ବନ୍ଦ କରିବା ଉଚିତ୍ ।
