ଅମରାବତୀ: କିମ୍ବଦନ୍ତୀ ଗାୟକ ଏସ୍ ପି ବାଲା ସୁବ୍ରମଣ୍ୟମଙ୍କୁ ଭାରତରତ୍ନ ପ୍ରଦାନ କରିବାକୁ ଭାରତ ସରକାରଙ୍କୁ ଅନୁରୋଧ କରିଛନ୍ତି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀ । ଏନେଇ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖି ଅନୁରୋଧ କରିଛନ୍ତି । ସେପ୍ଟେମ୍ବର 25 ରେ ବାଲା ସୁବ୍ରମଣ୍ୟମଙ୍କ ପରଲୋକ ହୋଇଛି ।
ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଲେଖିଥିବା ଚିଠିରେ ସେ କହିଛନ୍ତି ଯେ, ଏହା ଏସପିବିଙ୍କ ଉଲ୍ଲେଖନୀୟ କାର୍ଯ୍ୟ ପାଞ୍ଚ ଦଶନ୍ଧି ଧରି ଚାଲିଥିଲା ଏବଂ ଆମ ସ୍ମୃତିରେ ଚିରସ୍ମରଣୀୟ ହୋଇ ରହିବ । ଆମ ରାଜ୍ୟ ଆନ୍ଧ୍ରପ୍ରଦେଶର ନେଲୋର ଜିଲ୍ଲାରେ ମହାନ ସଂଗୀତଜ୍ଞଙ୍କ ଜନ୍ମସ୍ଥାନ ହୋଇଥିବାରୁ ସେ ଭାଗ୍ୟବାନ୍ ବୋଲି ଚିଠିରେ ଉଲ୍ଲେଖ ରହିଛି ।
ତାଙ୍କର ଅକାଳ ବିୟୋଗ କେବଳ ଭାରତର ପ୍ରଶଂସକ ଏବଂ ସେଲିବ୍ରିଟିଙ୍କ ପାଇଁ ଅଧିକ କଷ୍ଟ ଦେଇନାହିଁ, ବରଂ ଆନ୍ତର୍ଜାତୀୟ ସଙ୍ଗୀତ ଭ୍ରାତୃଭାବକୁ ମଧ୍ୟ ପ୍ରଭାବିତ କରିଛି ବୋଲି ମୁଖ୍ୟମନ୍ତ୍ରୀ କହିଛନ୍ତି।
ସଙ୍ଗୀତ ଏବଂ କଳା କ୍ଷେତ୍ରରେ ତାଙ୍କର ଉଲ୍ଲେଖନୀୟ ଅବଦାନ ପାଇଁ କିମ୍ବଦନ୍ତୀ ଗାୟକଙ୍କୁ ଶ୍ରଦ୍ଧାଞ୍ଜଳି ସ୍ବରୂପ ମୁଁ ବାଲାସୁବ୍ରମଣ୍ୟମଙ୍କୁ ଭାରତ ରତ୍ନ ପ୍ରଦାନ କରିବାକୁ ଅନୁରୋଧ କରୁଛି ବୋଲି ମୁଖ୍ୟମନ୍ତ୍ରୀ ଚିଠିରେ ଉଲ୍ଲେଖ କରିଛନ୍ତି।
