ବେଙ୍ଗାଲୁର: ଦଳରେ ରହି ଦଳ ବିରୋଧୀ ମନ୍ତବ୍ୟ ପାଇଁ କର୍ଣ୍ଣାଟକ ବିଧାୟକଙ୍କୁ ନିଲମ୍ବିତ କରିଛି କଂଗ୍ରେସ । ଅଖିଳ ଭାରତ କଂଗ୍ରେସ କମିଟି ପକ୍ଷରୁ ମଧ୍ୟ ଏନେଇ ମଞ୍ଜୁରି ଦିଆଯାଇଛି । କଂଗ୍ରେସ ବିଧାୟକ ଆର ରୋଶନ ବୈଗ ଦଳରେ ଦଳ ବିରୋଧୀ କାର୍ଯ୍ୟ କରିଥିବାରୁ ଦଳରୁ ତାଙ୍କୁ ନିଲମ୍ବନ କରାଯାଇଥିବା ଏକ ସାମ୍ବାଦିକ ସମ୍ମିଳନୀରେ କହିଛନ୍ତି କର୍ଣ୍ଣାଟକ ପ୍ରଦେଶ କଂଗ୍ରେସ କମିଟି ।
ସାଧାରଣ ନିର୍ବାଚନରେ କଂଗ୍ରେସର ପରାଜୟ ନେଇ କର୍ଣ୍ଣାଟକ ମୁଖ୍ୟମନ୍ତ୍ରୀଙ୍କ ସହ କେପିସିସିର ମୁଖ୍ୟଙ୍କୁ ସେ ଦାୟୀ କରିଥିଲେ । ଏନେଇ କେପିସିସିର ମୁଖ୍ୟ ଅଖିଳ ଭାରତ କଂଗ୍ରେସ କମିଟିକୁ ଜଣାଇବା ପରେ ଦଳରୁ ତାଙ୍କୁ ନିଲମ୍ବନ କରାଯାଇଛି । କେପିସିସିର ମୁଖ୍ୟ ଦିନେଶ ଗୁଣ୍ଡୋ ରାଓ ସାମ୍ବାଦିକ ସମ୍ମିଳନୀରେ ସୂଚନା ଦେଇଥିବା ବେଳେ ବିଧାୟକ ରୋଶନଙ୍କ ଏଭଳି କାର୍ଯ୍ୟାକଳାପକୁ କଡା ଭର୍ସନା କରିଥିଲେ । ଆର.ରୋଶନ ଅଖିଳ ଭାରତ କଂଗ୍ରେସ କମିଟିର ସଦସ୍ୟ ଥିବାବେଳେ କଂଗ୍ରେସର ଉଚ୍ଚ ପଦସ୍ଥ ଅଧିକାରୀଙ୍କ ଦ୍ବାରା ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି । ଆଇଏମଏ ଗହଣା, ଫାଇନସିଆର ଫ୍ରଡ, ଓ ହଜାରେ ସଂଖ୍ୟକ ନିବେଶକଙ୍କୁ ଧୋକା ଦେଇଥିବାର ଅଭିଯୋଗ କରିଛନ୍ତି ଦିନେଶ ରାଓ ।
କଂଗ୍ରେସ ନେତାଙ୍କୁ ନିଶାନା କରିବା ସହ କର୍ଣ୍ଣାଟକ ମୁଖ୍ୟମନ୍ତ୍ରୀଙ୍କୁ ଅହଙ୍କାର ଓ ଦିନେଶ ଗୁଣ୍ଡୁ ରାଓଙ୍କୁ ଅପରିପକ୍ବତା ଯୋଗୁଁ ଲୋକସଭା ନିର୍ବାଚନରେ ଦଳର ଶୋଚନୀୟ ପରାଜୟ ହୋଇଥିବା ନେଇ ବୈଗ ବିବାଦୀୟ ମନ୍ତବ୍ୟ ଦେଇଥିଲେ ।
