ଭୋପାଳ: ଦିନକୁ ଦିନ ବଦଳୁଛି ମଣିଷତ୍ବର ପରିଭାଷା। ସୀମା ଲଙ୍ଘୁଛି ବର୍ବରତା। ଥରେ କି ଦୁଇ ଥର ନୁହେଁ ଏପରି ଅନେକ ଥର ଅଭାବନୀୟ ଘଟଣା ସାମ୍ନାକୁ ଆସୁଛି ଯାହାକୁ ଶୁଣିବା ପରେ ମଣିଷ ଜାତି ଉପରୁ ଆଶା, ବିଶ୍ବାସ ଓ ଭରଷା ଶଦ୍ଦଟି ଉଠିଯାଉଛି।
ପୂର୍ବରୁ କେରଳରେ ହାତୀକୁ ନଡିଆରେ ବାରୁଦ ଦେଇ ହତ୍ୟା, ଏହାପରେ ପଶୁପକ୍ଷୀଙ୍କ ସହ ଅପ୍ରାକୃତିକ ଯୌନ ସମ୍ପର୍କ ଭଳି ଖବର ମାନସିକ ସ୍ତରକୁ ଆଘାତ ପହଁଞ୍ଚାଉଥିବା ବେଳେ ବର୍ତ୍ତମାନ ପୁଣି ସେହିପରି ଏକ ଅମାନବିକ ଘଟଣା ଦେଖିବାକୁ ମିଳିଛି ମଧ୍ୟପ୍ରଦେଶର ଭୋପାଳରେ।
ଜଣେ 55 ବର୍ଷୀୟ ବୃଦ୍ଧ ବ୍ୟକ୍ତି ଗୋମାତା ସହ ଅପ୍ରାକୃତିକ ଯୌନ ସମ୍ପର୍କ ତଥା ଦୁଷ୍କର୍ମ କରିଥିବା ଅଭିଯୋଗରେ ଗିରଫ ହୋଇଛି। ଉକ୍ତ ଅଞ୍ଚଳର ସିସିଟିଭି ଫୁଟେଜ ଯାଞ୍ଚ କରିବା ପରେ ଅଭିଯୁକ୍ତକୁ ଗିରଫ କରିଛି ପୋଲିସ। ଜୁଲାଇ 4 ତାରିଖ ସକାଳ ପ୍ରାୟ ସାଢେ 4 ଟାରେ ଉକ୍ତ ବ୍ୟକ୍ତି ସୁନ୍ଦର ନଗରରେ ଥିବା ଏକ ଗୋଶାଳାକୁ ଯାଇ ଗାଈ ସହିତ ଅପ୍ରାକୃତିକ ଯୌନ ସମ୍ପର୍କ ରଖିଥିବାର ଅଭିଯୋଗ ହୋଇଥିଲା।
ଗତ ବର୍ଷ ମେ ମାସରେ ସ୍ଥାନୀୟ ଗୋଶାଳାରେ ରଖାଯାଇଥିବା ଅନେକ ଗାଈଙ୍କୁ ଦୁଷ୍କର୍ମ ଅଭିଯୋଗରେ ଜଣେ ବ୍ୟକ୍ତି ଅଯୋଧ୍ୟାରୁ ଗିରଫ ହୋଇଥିଲେ। ଅଭିଯୁକ୍ତ ଜଣକ ରାଜକୁମାର ବୋଲି ଜଣାପଡିଛି। ରାଜକୁମାରଙ୍କ ଆପତ୍ତିଜନକ କାର୍ଯ୍ୟକଳାପ ସାମ୍ନାକୁ ଆସିଲା ଯେତେବେଳେ କିଛି ସ୍ବେଚ୍ଛାସେବୀ ଆଶ୍ରୟସ୍ଥଳର ସିସିଟିଭି ଫୁଟେଜକୁ ଦେଖିଥିଲେ। ଏହା ପରେ ସଚେତନ ସ୍ବେଚ୍ଛାସେବୀମାନେ ଗାଈ ଉପରେ ତୀକ୍ଷ୍ଣ ନଜର ରଖିବା ଆରମ୍ଭ କରିଥିଲେ।
