ଅମରାବତୀ: ଆନ୍ଧ୍ରପ୍ରଦେଶରେ କୋରୋନା ଯୋଗୁଁ ବଢୁଛି ଟେନସନ । ଦିଲ୍ଲୀ ତବଲିଘିରୁ ଫେରିଥିବା ଆକ୍ରାନ୍ତଙ୍କ ଯୋଗୁଁ ରାଜ୍ୟରେ ବଢିଛି ପଜିଟିଭ ମାମଲା । ଏପର୍ଯ୍ୟନ୍ତ ବାହାରିଥିବା ପଜିଟିଭ ମାମଲାରୁ ଅଧିକାଂଶ ନିଜାମୁଦ୍ଦିନ ଫେରନ୍ତା ଥିବା ଜଣାପଡିଛି ।
ନୋଡାଲ ଅଫିସର ଅର୍ଜା ଶ୍ରୀକାନ୍ତଙ୍କ ସୂଚନାନୁସାରେ ବୁଧବାର 19ଟି ନୂଆ ମାମଲା ସାମନାକୁ ଆସିଛି । ଫଳରେ ମୋଟ ଆକ୍ରାନ୍ତଙ୍କ ସଂଖ୍ୟା 348 ଛୁଇଁଛି । ଏଥିରୁ 6 ଜଣ ସୁସ୍ଥ ହୋଇଥିବାବେଳେ 338 ଆକ୍ଟିଭ କେସ ରହିଛି । 4 ଜଣଙ୍କର ଏହି ମହାମାରୀରେ ମୃତ୍ୟୁ ହୋଇଛି ।
ଦିଲ୍ଲୀ ଫେରନ୍ତାଙ୍କ ଯୋଗୁଁ ରାଜ୍ୟରେ ବଢିଛି ଆକ୍ରାନ୍ତଙ୍କ ସଂଖ୍ୟା । ବିଶେଷ କରି କୂର୍ଣ୍ଣୋଲ, କ୍ରିଷ୍ଣା, ନେଲ୍ଲୋର ଓ ଗୁଣ୍ଟୁର ଅଧିକ ପ୍ରଭାବିତ ହୋଇଛନ୍ତି । ସରକାରଙ୍କ ପକ୍ଷରୁ ଲକଡାଉନ କଟକଣା କଡାକଡି କରାଯାଇଛି । ଏହାସହ ଏହାର ଅବଧି ବୃଦ୍ଧି ପାଇଁ ଚିନ୍ତା କରୁଥିବା ସୂଚନା ମିଳିଛି ।
ସୌଜନ୍ୟ@ANI
