ଅମରାବତୀ: ଆନ୍ଧ୍ରରେ କଡାକଡି ହେଲା ଲକଡାଉନ ନିୟମ । ଅତ୍ୟାବଶକୀୟ ସାମଗ୍ରୀ ପାଇଁ ବଢିଲା ସମୟସୀମା । କୋରୋନା ଭାଇରସର ଚେନକୁ ରୋକିବାକୁ ସହରାଞ୍ଚଳରେ ଅତ୍ୟାବଶ୍ୟକ ସାମଗ୍ରୀ କିଣିବାର ସମୟ ସୀମାକୁ 2ଘଣ୍ଟା କମାଇ ଦିଆଯାଇଛି ।
ପୂର୍ବରୁ ସହରାଞ୍ଚଳ ଲୋକଙ୍କ ପାଇଁ ଅତ୍ୟାବଶକୀୟ ସାମଗ୍ରୀ କିଣିବାକୁ ସକାଳ 6ରୁ ମଧ୍ୟାହ୍ନ 1ଟା ପର୍ଯ୍ୟନ୍ତ ସମୟ ନିର୍ଦ୍ଧାରିତ ହୋଇଥିଲା । ଯାହାକୁ ଏବେ 2 ଘଣ୍ଚା ହ୍ରାସ କରାଯାଇ ସକାଳ 6ରୁ ପୂର୍ବାହ୍ନ 11ଟା ଯାଏଁ କରାଯାଇଛି । କିନ୍ତୁ ଗ୍ରାମାଞ୍ଚଳରେ ପୂର୍ବ ନିର୍ଦ୍ଧାରିତ ସମୟ ରହିଛି ।
ଗ୍ରାମାଞ୍ଚଳ ଅପେକ୍ଷା ସହରାଞ୍ଚଳ ଲୋକେ ଏହି ମାହାମାରୀ ଶିକାର ହେଉଥିବା ଦେଖି ଆନ୍ଧ୍ରପ୍ରଦେଶ ମୁଖ୍ୟମନ୍ତ୍ରୀ ଜଗନ ମୋହନ ରେଡ୍ଡୀଙ୍କ ନେତ୍ବତ୍ବରେ ବସିଥିବା ଏକ ଉଚ୍ଚସ୍ତରୀୟ ବୈଠକରେ ଏହି ନିଷ୍ପତ୍ତି ନିଆଯାଇଛି । ବର୍ତ୍ତମାନ ରାଜ୍ୟରେ 19ଟି କୋରୋନା ମାମଲା ସାମନାକୁ ଆସିଥିବାବେଳେ, ରବିବାର କୌଣସି ରୋଗୀ ଚିହ୍ନଟ ହୋଇନାହାନ୍ତି ।
ସେପଟେ, ରାଜ୍ୟରେ ଫସି ରହିଥିବା ଅନ୍ୟ ରାଜ୍ୟର ଦିନ ମଜୁରିଆ ଓ ଶ୍ରମିକଙ୍କୁ ରହିବା ଓ ଖାଦ୍ୟର ବନ୍ଦୋବସ୍ତ କରାଯିବାକୁ ନିଷ୍ପତ୍ତି ହୋଇଛି ।
@IANS
