ହାଇଦ୍ରାବାଦ: ମାନସିକ ଅବସ୍ଥା । ସାଧାରଣ ଜୀବନଚର୍ଯ୍ୟାର ଏକ ଦୈନିକ ଅଂଶ । କେତେବେଳେ ମାନସିକ ଅବସ୍ଥା ସ୍ଥିର ଥାଏ ତ କେତେବେଳେ ପୁଣି ଚଞ୍ଚଳ । କିଏ ବିଭିନ୍ନ ବର୍ଗର ଲୋକଙ୍କ ସହ କଥାବର୍ତ୍ତା ହେବା ଓ ମିଶିବାକୁ ପସନ୍ଦ କରେ ତ କିଏ ପୁଣି ଏକାକୀ ସମୟ ବିତାଇବାରେ ରଖେ ବିଶ୍ବାସ । କେବଳ ସେତିକି ନୁହେଁ ମାନସିକ ସ୍ଥିତିରେ ଜଟିଳତା ବେଳେବେଳେ ଏତି ଭୟଙ୍କର ପରିଣାମ ମଧ୍ୟ ଆଣିପାରେ । ପୂର୍ବରୁ ଏସବୁକୁ ଅନ୍ଧବିଶ୍ବାସ ଓ ପ୍ରକୃତି ପ୍ରଦତ୍ତ ବିଶ୍ବାସ କରାଯାଉଥିବା ବେଳେ ଏହି ଚିନ୍ତାଧାରାକୁ ବଦଳାଇ ମାନସିକ ସ୍ଥିତି ଓ ମନୋବିଜ୍ଞାନକୁ ନୂଆ ପରିଚୟ ଦେଇଥିଲେ କାର୍ଲ ଗୁସ୍ତାଭ ଜଙ୍ଗ ।
1875 ମସିହା ଜୁଲାଇ 26ରେ ସ୍ବିଜରଲ୍ୟାଣ୍ଡର କେସ୍ବିଲରେ ଜନ୍ମ ଗ୍ରହଣ କରିଥିଲେ କାର୍ଲ । ଫ୍ରେଡ ଦ୍ବାରା ପ୍ରଭାବିତ ହୋଇ ସେ ବ୍ୟକ୍ତିତ୍ବ ବିକାଶକୁ କଳା, ସାହିତ୍ୟ ଓ ଧର୍ମ ଆକାରରେ ପ୍ରଚଳନ ଆରମ୍ଭ କରିଥିଲେ । ଏଥିସହ ଚିରା ଚରିତ ଇଣ୍ଟ୍ରୋଭର୍ଟ ଓ ଏକ୍ସଟ୍ରୋଭର୍ଟର ଚଳଣୀ ମଧ୍ୟ କାର୍ଲ ଆରମ୍ଭ କରିଥିଲେ । ଏହାବ୍ୟତୀତ ତାଙ୍କର ଆହୁରି ଅନେକ କୀର୍ତ୍ତି ରହିଥିଲା । ଜାଣନ୍ତୁ କ’ଣ ଥିଲା ସେ ସବୁ:
ନିଜ ଅଧ୍ୟୟନ ଓ ଗବେଷଣାରେ ସାହାଯ୍ୟ ପାଇଁ କାର୍ଲ ସାରା ପୃଥିବୀ ଭ୍ରମଣ କରି ବିଭିନ୍ନ ପରମ୍ପରା ଓ ସଂସ୍କୃତିକୁ ବୁଝିଥିଲେ । ଏହାପରେ ସେଥିରୁ ଉଦ୍ଧୃତ ତଥ୍ୟକୁ ନେଇ ସେ କାର୍ଲ ଜଙ୍ଗ ପବ୍ଲିକେଶନ ଦ୍ବାରା ସମାଜରେ ନିଜ ବାର୍ତ୍ତା ପହଞ୍ଚାଉଥିଲେ । ଜୀବନବ୍ୟାପୀ ସେ ପ୍ରାୟ 200ଟି ଥିଓରୀର ବିକାଶ କରିଥିଲେ । ଏଥିରେ ମଡର୍ଣ୍ଣ ମ୍ୟାନ, ଇନ ସର୍ଚ୍ଚ ଅଫ ଏ ସୋଲ (1933), ଅନଡିସ୍କଭର୍ଡ ସେଲ୍ଫ (1957) ସ୍ଥାନୀତ ରହିଥିଲା । ନିଜ ସଫଳତା ପାଇଁ ସେ ପରବର୍ତ୍ତୀ ସମୟରେ ୟୁନିଭର୍ସିଟି ଅଫ୍ ବେସେଲ ଓ ଜ୍ୟୁରିକସ୍ଥିତ ଫେଡେରାଲ ପଲିଟେକ୍ନିକାଲରେ ଅଧ୍ୟାପକ ଭାବେ କାର୍ଯ୍ୟରତ ରହିଥିଲେ ।
କାର୍ଲ ସେ ସମୟରେ ଯାହା ସବୁ ତଥ୍ୟ ଖୋଜି ବାହାର କରିଥିଲେ ତାହାର ଯଥାର୍ଥତା ବର୍ତ୍ତମାନ ସମୟରେ ବେଶ ଭଲ ଭାବେ ବୁଝାପଡେ । ସେ ପ୍ରତ୍ନତତ୍ତ୍ବ ହେଉ ଅବା ଧର୍ମ, ସାହିତ୍ୟ ଓ ଆଧୁନିକ ସମାଜ, ପ୍ରତିଟି କ୍ଷେତ୍ରରେ ସେ ହାସଲ କରିଥିଲେ ବିଚକ୍ଷଣ ପାରଦର୍ଶିତା । ନିଜ କଠିନ ଅଧ୍ୟବସାୟ ପାଇଁ 1932 ମସିହାରେ ତାଙ୍କୁ ଜ୍ୟୁରିକର ସାହିତ୍ୟ ପୁରସ୍କାରରେ ସମ୍ମାନୀତ କରାଯାଇଥିଲା । ଏହାର 6 ବର୍ଷ ପରେ ସେ ଇଂଲଣ୍ଡର ରୟାଲ ସୋସାଇଟି ଅଫ ମେଡିସିନ ପକ୍ଷରୁ ସମ୍ମନୀତ ହେବା ପାଇଁ ତାଙ୍କୁ ଚୟନ କରାଯାଇଥିଲା । 1944 ମସିହାରେ ସେ ସ୍ବିସ ଏକାଡେମୀ ଅଫ ମେଡିକାଲ ସାଇନ୍ସର ସେ ଜଣେ ସଦସ୍ୟ ଭାବେ ମନୋନୀତ ହୋଇଥିଲେ ।
ନିଜ ପିତାମାତାଙ୍କ ମଧ୍ୟରେ ଲାଗି ରହିଥିବା ବିବାଦର ପ୍ରଭାବ ଛୁଆଟି ବେଳୁ କାର୍ଲଙ୍କ ଉପରେ ଗଭୀର ଭାବେ ପଡିଥିଲା । ଧିରେ ଧିରେ ବୟସ ବଢିବା ସହ ପିତା ପୌଲ ତାଙ୍କ ମନରେ ଧର୍ମ ପ୍ରତି ଏକ ବିତୃଷ୍ଣା ଭାବେ ସୃଷ୍ଟି କରିଥିଲେ । ଅପରପାର୍ଶ୍ବରେ ମା’ ଏମିଲି ମାନସିକ ଅବସାଦର ଶିକାର ହୋଇ ମାତ୍ର 3 ବର୍ଷର କାର୍ଲଙ୍କୁ ଛାଡି ମାନସିକ ଚିକିତ୍ସା ପାଇଁ ଡାକ୍ତରଖାନାକୁ ଚାଲି ଯାଇଥିଲେ ।
ଏସମସ୍ତ ପରିସ୍ଥିତି ଦେଇ ବଡ ହୋଇଥିବା କାର୍ଲ ଯୁବାବସ୍ଥାରେ ମାନସିକ ସ୍ଥିତି ନେଇ ଲେଖାଯାଇଥିବା ପୁସ୍ତକ ପଢିବା ଆରମ୍ଭ କରିଥିଲେ । ଏହା ତାଙ୍କୁ ଏତେ ମାତ୍ରାରେ ପ୍ରଭାବିତ କରିଥିଲା କି ସେ ୟୁନିଭର୍ସିଟି ଅଫ ବେସେଲରେ ଅଧ୍ୟୟନ ପାଇଁ ପହଞ୍ଚିଥିଲେ . ସେଠାରେ ସେ ଏହି ବିଷୟର ଆହୁରି ଅନେକ ଦିଗକୁ ଜାଣି ପାରିଥିଲେ । 1900 ମସିହାରେ ସେ ନିଜ ସ୍ନାତକୋତ୍ତର ଡିଗ୍ରୀ ହାସଲ କରିଥିଲେ । ଏହାପରେ ସେ ୟୁନିଭର୍ସିଟି ଅଫ୍ ଜ୍ୟୁରିକରୁ ମାଷ୍ଟର ଡିଗ୍ରୀ ହାସଲ କରିଥିଲେ ।
1903 ମସିହାରେ ସେ ଏମ୍ମା ରୌସେନବାକଙ୍କୁ ବିବାହ କରିଥିଲେ । ଉଭୟଙ୍କ ଔରସରୁ 5ଟି ସନ୍ତାନ ସନ୍ତତୀ ଜନ୍ମ ନେଇଥିଲେ । ଏହାପରେ 1955ରେ ଏମ୍ମାଙ୍କୁ ମୃତ୍ୟୁ ହୋଇଥିଲା । ଯାହାର କିଛି ବର୍ଷ ପରେ ଜୁନ 6, 1961 ମସିହାରେ ଜ୍ୟୁରିକସ୍ଥିତ ନିଜ ଘରେ ଆଖି ବୁଜିଥିଲେ କାର୍ଲ ଜଙ୍ଗ ।
ବ୍ୟୁରୋ ରିପୋର୍ଟ, ଇଟିଭି ଭାରତ
