କାରଗିଲ: ଲଦାଖରେ ଭୂ-କମ୍ପ ଝଟକା । ଚୀନ ସହ ଉତ୍ତେଜନାମୂଳକ ସ୍ଥିତିରେ ପୁଣି ଥରିଲା କାରଗିଲ । ରବିବାର ଭୋର ସକାଳ 3.37 ମିନିଟ ସମୟରେ ଭୂକମ୍ପ ଅନୁଭୂତ ହୋଇଛି । ଏଯାବତ କୌଣସି କ୍ଷୟକ୍ଷତିର ସୂଚନା ନାହିଁ ।
ନ୍ୟାସନାଲ ସେଣ୍ଟର ଫର ସିସ୍ମୋଲୋଜି ମୁତାବକ, ଲଦାଖର କାରଗିଲ ଠାରେ ଭୂ-କମ୍ପ ଅନୁଭୂତ ହୋଇଛି । ଏହାର ତ୍ରୀବତା ରିକ୍ଟର ସେଲରେ 4.7 ରେକର୍ଡ କରାଯାଇଛି । ଭୂ-କମ୍ପର କେନ୍ଦ୍ର ସ୍ଥଳର କାରଗିଲ ଠାରୁ 433 କିମି ଦୂର ନର୍ଥୱେଷ୍ଟ ହୋଇଥିଲା।
ସୂଚନାଯୋଗ୍ୟ, ଜୁଲାଇ 2ରେ ମଧ୍ୟ ଲଦାଖରେ ଭୂ-କମ୍ପ ହୋଇଥିଲା । ସେହି ସମୟରେ ଭୂ-କମ୍ପର ତ୍ରୀବତା ରିକ୍ଟର ସେଲ 4.5 ରହିଛି । ଭୂ-କମ୍ପର କେନ୍ଦ୍ର ସ୍ଥଳ ଥିଲା କାରଗିଲ ଠାରୁ 119 କିମି ଦୂର ଉତ୍ତରପଶ୍ଚିମ ଠାରେ । ସେହିଦିନ ଜମ୍ମୁ-କାଶ୍ମୀରରେ ମଧ୍ୟ ଭୂ-କମ୍ପ ହୋଇଥିଲା । ଏହା ତ୍ରୀବତା 3.5 ରହିଥିଲା ।
