ଆଗ୍ରା: ଦୁଇ ଦିନିଆ ଭାରତ ଗସ୍ତରେ ଆସୁଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ତାଙ୍କ ପତ୍ନୀ ମେଲୋନିଆ ଟ୍ରମ୍ପ । ଆସନ୍ତା 24ରେ ସେ ଭାରତରେ ପହଞ୍ଚିବେ । ଏହି ଅବସରରେ ସେ ଆଗ୍ରା ତାଜମହଲ ଯିବାର କାର୍ଯ୍ୟକ୍ରମ ରହିଛି । ଟ୍ରମ୍ପଙ୍କ ଗସ୍ତକୁ ଦୃଷ୍ଟିରେ ରଖି ଜୋରଦାର ପ୍ରସ୍ତୁତି ଆରମ୍ଭ କରିଛି ଆଗ୍ରା ପ୍ରଶାସନ ।
ଅନ୍ୟପଟେ ଆସନ୍ତା 17ରେ ଆମେରିକା ଆଡଭାନ୍ସ ଟିମ୍ ଆସି ସୁରକ୍ଷା ବ୍ୟବସ୍ଥାର ଯାଞ୍ଚ କରିବ । ତେବେ ଟ୍ରମ୍ପ ଓ ତାଙ୍କ ପତ୍ନୀ ଆଗ୍ରାରେ ପାଖାପାଖି ଅଢେଇ ଘଣ୍ଟା ରହିବାର କାର୍ଯ୍ୟକ୍ରମ ରହିଛି । ସେହିପରି ଆସନ୍ତା 18ରେ ଆଗ୍ରା ପ୍ରଶାସନ ଓ ପୋଲିସ ମିଳିତ ଭାବେ ବୈଠକ କରି ସ୍ଥିତି ସମୀକ୍ଷା କରିବେ ।
ପ୍ରକାଶ ଯେ, ଗତ କିଛି ଦିନ ତଳେ ବ୍ରାଜିଲ ରାଷ୍ଟ୍ରପତି ନିଜ ଝିଅଙ୍କ ସହ ତାଜହମଲ ଆସିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
