ଶ୍ରୀନଗର: ଖରାପ ପାଗ ପାଇଁ ଅମରନାଥ ଯାତ୍ରାକୁ ସ୍ଥଗିତ ରଖାଯାଇଛି । ଆଜି ଜମ୍ମୁ ବେସ କ୍ୟାମ୍ପରୁ ବାହାରିବାକୁ ଥିବା ଯାତ୍ରୀମାନଙ୍କୁ ଖରାପ ପାଗ ପାଇଁ ବାରଣ କରାଯାଇଛି ।
ଗତ 24ଘଣ୍ଟା ଧରି ଜାମ୍ମୁ ଓ କାଶ୍ମୀରର ଅଧିକାଂଶ ସ୍ଥାନରେ ବିଜୁଳି ଘଡଘଡି ସହ ବର୍ଷା ଜାରି ରହିଛି । ଆସନ୍ତା 48 ଘଣ୍ଟା ପର୍ଯ୍ୟନ୍ତ ଝଡବର୍ଷା ଜାରି ରହିବ ବୋଲି ଭାରତୀୟ ପାଣିପାଗ ବିଭାଗ ପକ୍ଷରୁ କୁହାଯାଇଛି ।
ଗତ ଗୁରୁବାର ସୁଦ୍ଧା ପ୍ରଥମ 25 ଦିନରେ 3 ଲକ୍ଷରୁ ଉର୍ଦ୍ଧ୍ବ ଶ୍ରଦ୍ଧାଳୁମାନେ ଅମରନାଥଙ୍କ ଜ୍ୟୋର୍ତିଲିଙ୍ଗ ଦର୍ଶନ କରିସାରିଛନ୍ତି । ଏହି 46 ଦିନିଆ ଯାତ୍ରା ଜୁଲାଇ 1ରୁ ଆରମ୍ଭ ହୋଇଥିବା ବେଳେ ଆସନ୍ତା ଅଗଷ୍ଟ 15 ଶ୍ରାବଣ ପୂର୍ଣ୍ଣିମାରେ ଶେଷ ହେବ ।
