ଶ୍ରୀନଗର: ଜାମ୍ମୁ ଓ କାଶ୍ମୀରରେ ଧାରା 370 ଉଚ୍ଛେଦ ପରେ ଘାଟିରେ ସ୍ଥିତି ଧିରେ ଧିରେ ସୁଧୁରିବାରେ ଲାଗିଛି । ରାଜ୍ୟରେ ଯୋଗାଯୋଗ ପ୍ରକ୍ରିୟା ଆରମ୍ଭ ହୋଇଛି। ଲ୍ୟାଣ୍ଡଲାଇନ ସେବା ସହ କୁପୱାଡା ଜିଲ୍ଲାରେ ମୋବାଇଲ ସେବା ଆରମ୍ଭ ହୋଇଥିବା ନେଇ ଜଣାଇଛି ପ୍ରଶାସନ।
ଏହା ସହିତ ଆହୁରି ମଧ୍ୟ କୁହାଯାଇଛି ଯେ, ରାଜ୍ୟରେ ସମ୍ପୂର୍ଣ୍ଣ ଭାବେ ବ୍ୟାଙ୍କ ଓ ଏଟିଏମ ସେବା କାର୍ଯ୍ୟକ୍ଷମ ହୋଇଛି। ଏହା ସହ ହସ୍ପିଟାଲ ଓ ଅନ୍ୟ ସ୍ବାସ୍ଥ୍ୟ ସଂସ୍ଥାକୁ ମଧ୍ୟ ଚାଲୁ କରାଆଯାଇଛି । ଯୋଗଯୋଗରେ ଦେଖା ଯାଉଥିବା ଅସୁବିଧାକୁ ଦୂର କରିବା ପାଇଁ 15ଟି ଇଣ୍ଟରନେଟ ଟର୍ମିନଲର ଅଧିକାରୀଙ୍କୁ ସେବା ଚାଲୁ କରିବା ପାଇଁ କରିବାକୁ ରାଜ୍ୟପାଳ ନିର୍ଦ୍ଦେଶ ଦେଇଛନ୍ତି । ଘାଟିରେ ସମ୍ପୂର୍ଣ୍ଣ ଭାବେ ଟେଲିକମ ସେବା ଚାଲୁ ହେବା ନେଇ ରାଜ୍ୟପାଳ ଆଶ୍ବାସନ ଦେଇଛନ୍ତି।
ଅନ୍ୟପକ୍ଷରେ ରାଜ୍ୟରେ ପ୍ରାଥମିକ ବିଦ୍ୟାଳୟ ସମେତ ମାଧ୍ୟମିକ ଓ ହାଇସ୍କୁଲକୁ ମଧ୍ୟ ଖୋଲାଯାଇଛି। ତେବେ ବିଦ୍ୟାଳୟରେ ଶିକ୍ଷକଙ୍କ ଉପସ୍ଥାନ 75 ପ୍ରତିଶତ ରହୁଥିବା ବେଳେ ଛାତ୍ରଛାତ୍ରୀଙ୍କ ଉପସ୍ଥାନ କିଛିମାତ୍ରାରେ କମ ରହୁଥିବା ଦେଖିବାକୁ ମିଳୁଛି।
