ନୂଆଦିଲ୍ଲୀ: ବେସାମରିକ ବିମାନ ଚଳାଚଳ ମନ୍ତ୍ରୀ ହରଦୀପ ସିଂ ପୁରୀ ଲିଭ ୱିଦାଉଟ୍ ପେମେଣ୍ଟ (ଏଲଡବ୍ଲୁପି) ଯୋଜନାକୁ କର୍ମଚାରୀ ଏବଂ ପରିଚାଳନା ପାଇଁ ବିଜୟ ବୋଲି କହିଛନ୍ତି । ଏଥିସହ ଆନ୍ତର୍ଜାତୀୟ ଏବଂ ଘରୋଇ ପରିବହନକାରୀମାନେ ଖର୍ଚ୍ଚାନ୍ତ ହୋଇଥିବାରୁ ଏୟାର ଇଣ୍ଡିଆ ଜଣେ ମଧ୍ୟ କର୍ମଚାରୀଙ୍କୁ ଛଟେଇ କରିନାହିଁ ବୋଲି ସେ କହିଛନ୍ତି । ତେବେ ରାଜ୍ୟସଭା ସାଂସଦ ବିନୋଇ ବିଶ୍ୱାମଙ୍କୁ ଲେଖିଥିବା ଚିଠିରେ ମନ୍ତ୍ରୀ ଏୟାର ଇଣ୍ଡିଆର ଆର୍ଥିକ ସ୍ଥିତି ଏବଂ ଏଲଡବ୍ଲୁପି ଯୋଜନା ଉପରେ ସ୍ପଷ୍ଟୀକରଣ ଦେଇଛନ୍ତି।
କୋରୋନା ମହାମାରୀରେ ଏୟାର ଇଣ୍ଡିଆ ମଧ୍ୟ ଏକ ଚ୍ୟାଲେଞ୍ଜିଂ ଆର୍ଥିକ ପରିସ୍ଥିତିର ସମ୍ମୁଖୀନ କରିଛି । ଏୟାର ଇଣ୍ଡିଆ ଏବଂ ଏହାର ସହାୟକ କମ୍ପାନୀ କର୍ମଚାରୀମାନଙ୍କୁ ଚଳିତ ବର୍ଷ ଜୁନ୍ ମାସରେ ଦରମା ପ୍ରଦାନ କରିଛନ୍ତି ବୋଲି ମନ୍ତ୍ରୀ କହିଛନ୍ତି । ଏଥିସହ ସେ କହିଛନ୍ତି, କୋରୋନା କାରଣରୁ ବିଶ୍ୱବ୍ୟାପୀ ବିମାନ ଶିଳ୍ପ ଏକ ଅଦୃଶ୍ୟ ଆର୍ଥିକ ସଙ୍କଟ ଦେଇ ଗତି କରୁଛି।
ସେ ଆହୁରି ମଧ୍ୟ କହିଛନ୍ତି ଯେ, କୋରୋନା ମହାମାରୀ ବିମାନ କ୍ଷେତ୍ର ଉପରେ ମଧ୍ୟ ଗୁରୁତର ପ୍ରଭାବ ପକାଇଛି । ଯେଉଁଥିପାଇଁ କମ୍ପାନୀର ବିମାନ ଚଳାଚଳ ବାଧାପ୍ରାପ୍ତ ହୋଇଛି । ସାରା ବିଶ୍ୱରେ ଅନେକ କର୍ମଚାରୀ କୋରୋନା ସଙ୍କଟ ଯୋଗୁଁ ଦରମା ପାଇନାହାଁନ୍ତି । ଏପରିକି ଭାରତର ଅନ୍ୟ ଘରୋଇ ବିମାନ ସେବା ମଧ୍ୟ ଚାକିରୀ ଛଟେଇ କରିବାକୁ ଉଦ୍ୟମ କରିଥିଲେ । ଏପଟେ ସେ ଚିଠି ମାଧ୍ୟମରେ ଦର୍ଶାଇଛନ୍ତି ଯେ ଏୟାର ଇଣ୍ଡିଆ ଜଣେ ହେଲେ କର୍ମଚାରୀଙ୍କୁ ଛଟେଇ କରିନାହିଁ ।
