ବେଙ୍ଗାଲୁରୁ: ପୁଣି ଟିକ୍ ଟକ୍ରେ ଭିଡିଓ ସୁଟ୍ବେଳେ ଜୀବନ ହାରିଲେ ଜଣେ 23 ବର୍ଷୀୟ ଯୁବକ । ଟିକ୍ ଟକ୍ରେ ଭିଡିଓ ପାଇଁ ଷ୍ଟଣ୍ଟ ଦେଖାଇବାକୁ ଚେଷ୍ଟା କରି ମେରୁଦଣ୍ଡ ଭାଙ୍ଗିବାରୁ କୁମାର ନାମକ ଯୁବକଙ୍କର ମୃତ୍ୟୁ ଘଟିଛି । ଏଭଳି ଘଟଣା ଘଟିଛି ତୁମାକୁରୁ ଜିଲ୍ଲାରେ ଗୋଦେକେରୀ ଅଞ୍ଚଳରେ ।
ସୂଚନା ଅନୁଯାୟୀ, କିଛିଦିନ ତଳେ କୁମାର ନିଜ ମୋବାଇଲ ଫୋନରେ ଟିକ୍ ଟକ୍ ଆପ୍ ଡାଉନଲୋଡ କରିଥିଲେ । ତେବେ ଗତ ଜୁନ୍ 18ରେ କୁମାର ଟିକ୍ ଟକ୍ ଆପ୍ରେ ଭିଡିଓ ଅପଲୋଡ କରିବା ପାଇଁ ନିଜ ସ୍କୁଲ ପଡିଆରେ ଏକ ଷ୍ଟଣ୍ଟ ଦେଖାଇଥିଲେ ।
କିନ୍ତୁ ତାଙ୍କର ସନ୍ତୁଳନ ବିଗିଡିବାରୁ ସେ ତଳେ ପଡିଯାଇଥିଲେ । ଯାହାଫଳରେ ତାଙ୍କର ମେରୁଦଣ୍ଡ ଭାଙ୍ଗି ଯାଇଥିଲା । ଏହାପରେ କୁମାରଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲେ ମଧ୍ୟ 5 ଦିନ ମେଡିକାଲରେ ଚିକିତ୍ସା ହେବାପରେ ଗତ ରବିବାର ତାଙ୍କର ମୃତ୍ୟୁ ଘଟିଛି ।
ଏପଟେ କୁମାରଙ୍କ ଭିଡିଓ ତାଙ୍କ ଟିକ୍ ଟକ୍ ଆପରେ ଅପଲୋଡ ହୋଇଥିଲା । ଯାହା ସୋସିଆଲ ମିଡିଆରେ ବହୁମାତ୍ରାରେ ସେୟାର କରାଯାଇଥିବାର ଦେଖିବାକୁ ମିଳିଥିଲା । କିନ୍ତୁ ଗତ କିଛିମାସ ହେବ ଟିକ୍ ଟିକ୍ ଆପରେ ଭିଡିଓ ଅପଲୋଡ କରିବାକୁ ଯାଇ କେତେ ଯୁବଗୋଷ୍ଠୀ ନିଜ ଜୀବନ ହରାଇଛନ୍ତି ।
