ନୂଆଦିଲ୍ଲୀ: ଏକ ନିଶ୍ଚିତ ଦୁର୍ଘଟଣାକୁ ଅଳ୍ପକେ ବର୍ତ୍ତିଲା ନାଗପୁର-ଦିଲ୍ଲୀ ଇଣ୍ଡିଗୋ ଫ୍ଲାଇଟ। ବିମାନ ୬E ୬୩୬ରେ ନାଗପୁରରୁ ଦିଲ୍ଲୀ ଉଡାଣ ଭରିବାକୁ ଯାଉଥିବାବେଳେ ରନୱେରୁ ହିଁ ବାତିଲ କରାଯାଇଥିବା ଜଣାପଡିଛି । ଏହି ବିମାନରେ କେନ୍ଦ୍ର ସଡକ ପରିବହନ ମନ୍ତ୍ରୀ ନିତିନ ଗଡକାରୀ ମଧ୍ୟ ଯାତ୍ରା କରୁଥିଲେ ।
ତେବେ ଯାନ୍ତ୍ରିକ ତୃଟି ଯୋଗୁଁ ଟେକଅଫ ପୂର୍ବରୁ ଟ୍ୟାକ୍ସି ୱେକୁ ବିମାନକୁ ଅଟକା ଯାଇଥିଲା । ଯାତ୍ରୀଙ୍କ ସୁରକ୍ଷା ଦୃଷ୍ଟିରୁ ବିମାନର ଉଡ଼ାଣକୁ ରନୱେରୁ ହିଁ ବାତିଲ କରାଯାଇଥିବା ଇଣ୍ଡିଗୋ ପକ୍ଷରୁ କୁହାଯାଇଛି।
ସୂଚନାନୁଯାୟୀ, ବିମାନ ଉଡାଣ ପାଇଁ ପ୍ରସ୍ତୁତ ଥିଲା । ଉଡାଣ ଭରିବାକୁ ରନୱେ ପହଞ୍ଚି ଯାଇଥିଲା । ମାତ୍ର ତ୍ରୃତି ବାବଦରେ ପାଇଲଟ ଜାଣିବା ପରେ ତୁରନ୍ତ ଉଡାଣକୁ ଅଟକା ଯାଇଥିଲା । ଏହାପରେ ବିମାନକୁ ଟ୍ୟାକ୍ସିୱେରେ ଫେରେଇ ଆଣିବା ପାଇଁ ନିର୍ଦ୍ଦେଶ ଦିଆଯାଇଥିଲା ।
