ରାଜକୋଟ : ମରଣାନ୍ତକ ମୋବାଇଲ ଗେମ ପବଜି ଉପରେ ଲଗାଯାଇଛି କଟକଣା । ହେଲେ ଏହାପରେ ବି ରାଜକୋଟର କିଛି ଯୁବକ ଏହାକୁ ମାନିନଥିଲେ । ଫଳରେ ପୋଲିସ 10 ଜଣକୁ ଗିରଫ କରିଥିବା ସୂଚନା ମିଳିଛି। ସେମାନଙ୍କ ଭିତରୁ 6 ଜଣ ଅଣ୍ଡର ଗ୍ରାଜୁଏଟ ଛାତ୍ର ରହିଛନ୍ତି ।
ଏନେଇ ରାଜକୋଟ ପୋଲିସ କମିଶନର ମନୋଜ ଅଗ୍ରୱାଲ କହିଛନ୍ତି ମାର୍ଚ୍ଚ 6 ତାରିଖରୁ ସହରରେ ଏହି ଖେଳ ଉପରେ ବ୍ୟାନ ଲଗାଯାଇଛି। ଏହାପରେ ମଧ୍ୟ କିଛି ଛାତ୍ର ଗେମରୁ ନିଜକୁ ବାହାର ନକରି ପୂର୍ବ ଭଳି ପ୍ରତିଦିନ ଖେଳୁଥିଲେ ।
ବୁଧବାର ରାଜକୋଟ ସ୍ପେଶାଲ ଅପରେସନ ଗ୍ରୁପ ତିନି ଜଣ ଯୁବକଙ୍କୁ ପୋଲିସ ହେଟକ୍ବାର୍ଟର ନିକଟରୁ ଗିରଫ କରିଥିଲା । ସେମାନଙ୍କ ଠାରୁ ସେଲ ଫୋନମଧ୍ୟ ଜବତ କରାଯାଇଛି । ଏହି ଗେମ ଥରେ ଆରମ୍ଭ କଲେ ଆଉ ବାହାରି ହୋଇ ନଥାଏ । ଯୁବପୀଢି ଏଥିରେ ଏକପ୍ରକାର ଫସିଯାଉଛନ୍ତି । ଆଉ ମରଣ ମୁହଁରେ ମଧ୍ୟ ପଡୁଛନ୍ତି ।
