ନୂଆଦିଲ୍ଲୀ: କଂଗ୍ରେସ ନେତା ଅଧୀର ରଞ୍ଜନ ଚୌଧୁରୀଙ୍କୁ ଲୋକସଭାରେ କଂଗ୍ରେସ ସଂସଦୀୟ ଦଳର ନେତା ଭାବେ ଦାୟିତ୍ବ ମିଳିଛି । କଂଗ୍ରେସର ବରିଷ୍ଠ ନେତା ସୋନିଆ ଗାନ୍ଧୀ ଏନେଇ ଲୋକସଭାର ସାଧାରଣ ସଚିବଙ୍କୁ ଚିଠିଲେଖି ସୂଚନା ଦେଇଛନ୍ତି । କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଓ ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀଙ୍କ ଉପସ୍ଥିତିରେ ମଙ୍ଗଳବାର ବସିଥିବା ବୈଠକରେ ଏହି ନିଷ୍ପତ୍ତି ନିଆଯାଇଛି । ରାହୁଲ ଏହି ଦାୟିତ୍ବ ବହନ କରିବାକୁ ମନା କରିବା ପରେ ଏଭଳି ନିଷ୍ପତ୍ତି ନିଆଯାଇଛି ।
ତେବେ ଅଧିର ରଞ୍ଜନ ଚୌଧୁରୀ କଂଗ୍ରେସର ଲୋକସଭା ନେତା ଭାବରେ ସମସ୍ତ ଗୁରୁତ୍ବପୂର୍ଣ୍ଣ ଦାୟିତ୍ବ ବହନ କରିବେ । ଏହା ସହିତ ମୋଦି ସରକାରଙ୍କୁ ବିଭିନ୍ନ ନୀତି ଏବଂ ପ୍ରସଙ୍ଗ ଉପରେ ଘେରିବେ । ତେବେ ଆଉ କିଛି ମାସ ପରେ 5 ରାଜ୍ୟର ବିଧାନସଭା ନିର୍ବାଚନ ହେବ । କଗ୍ରେସର ସଂସଦୀୟ ଦଳର ନେତା ହିସାବରେ ଅଧିରଙ୍କୁ ସବୁ ରାଜ୍ୟରେ ଦଳର ନେତୃତ୍ବରେ କାର୍ଯ୍ୟ କରିବାକୁ ପଡିବ ।
ସୂଚନା ଯୋଗ୍ୟ ଯେ, ଅଧିର ରଞ୍ଜନ ପଶ୍ଚିମବଙ୍ଗର ବେହରାମପୁରରୁ ସାଂସଦ ଭାବେ ନିର୍ବାଚିତ ହୋଇଛନ୍ତି । ଏହା ତାଙ୍କର ପଞ୍ଚମ ବିଜୟ ।
