ଲକ୍ଷ୍ନୌ: ବଲିଉଡର ଫେମଶ ଆକ୍ଟ୍ରେସ କରିସ୍ମା କପୁର ଶନିବାର ପରିବାର ସହ ଆଗ୍ରାର ତାଜମହଲ ପରିଦର୍ଶନ କରିଛନ୍ତି । ସେ ତାଙ୍କ ପୁଅ କିୟାନ ରାଜ କପୁର ଓ ଝିଅ ସମାୟରା କପୁରଙ୍କ ସହ ତାଜମହଲ ବୁଲି ଦେଖିଛନ୍ତି । ଏନେଇ କରିସ୍ମାଙ୍କୁ ଦେଖି ଫ୍ୟାନ୍ସ ମାନେ ମଧ୍ୟ ବେଶ ଖୁସି ଅନୁଭବ କରିବା ସହ ତାଙ୍କ ସହ ସେଲଫି ନେବା ପାଇଁ ଭିଡ ଜମାଇଥିଲେ । କେବଳ ପର୍ଯ୍ୟଟକ କିମ୍ବା ଫ୍ୟାନ୍ସ ନୁହଁନ୍ତି ପୋଲିସ ମାନେ ମଧ୍ୟ କରିସ୍ମାଙ୍କ ସହ ସେଲଫି ନେବା ପାଇଁ ନିଜକୁ ରୋକି ପାରିନଥିଲେ ।
ଶନିବାର ଦ୍ବିପହର ସମୟରେ ଫତେହାବାଦ ରୋଡ ସ୍ଥିତ ହୋଟେଲ ଡବଲ ଟ୍ରି ବାଇ ହିଲ୍ଟନରେ 'ଡିଜାଇନର ମେଟ ଗାଲା ଇଭେଣ୍ଟ'ର ଉଦଘାଟନ କରିଥିଲେ କରିସ୍ମା । ଏହାପରେ ସେ ତାଙ୍କ ପରିବାର ସହ ତାଜମହଲ ଦେଖିବା ପାଇଁ ଆଗ୍ରାରେ ପହଞ୍ଚିଥିଲେ । ସେ ପ୍ରଥମଥର ପାଇଁ ଆଗ୍ରା ଆସିଥିବାରୁ ତାଜମହଲ ଦେଖିବା ନେଇ ବହୁତ ଖୁସିଥିବା କହିଛନ୍ତି । ଏହାସହ ସେ ତାଜମହଲ ଆଗରେ ବସି ଫଟୋ ଉଠାଇଥିବା ଦେଖିବାକୁ ମିଳିଛି ।
