ଚେନ୍ନାଇ: ବ୍ୟାପୀ ଚାଲିଛି କୋରୋନା ଭାଇରସ । କୋରୋନା ମହାମାରୀକୁ ନେଇ ସାରା ବିଶ୍ବବାସୀ ଏବେ ଚିନ୍ତିତ । କାହିଁକି ନା ପ୍ରତିଦିନ ଏହି ଭାଇରସ ନେଉଛି ଅନେକ ମୂଲ୍ୟବାନ ଜୀବନ । କୋରୋନା ପାଇଁ କୈଣସି ପ୍ରତିଷେଧକ ବାହାରି ନଥିବା ବେଳେ ଏହାକୁ କେବଳ ପରିଷ୍କାର, ପରିଚ୍ଛନ୍ନତା ଓ ସଚେତନତା ଦ୍ବାରା ହିଁ ରୋକା ଯାଇ ପାରିବ । ସେଥିପାଇଁ ସଂକ୍ରମଣ ଦାଉରୁ ରକ୍ଷା କରିବାକୁ ମାସ୍କର ଆବଶ୍ୟକତା ପଡୁଛି । ହେଲେ, ବଜାରରେ ମାସ୍କର ଅଭାବ ରହିଛି । ଆଉ ଯେଉଁଠି ବି ମିଳୁଛି ତାହା ପୁଣି ଚଢା ଦରରେ । ହେଲେ, ଏମିତି ଜଣେ ଦରଦୀ ମଣିଷ ଅଛନ୍ତି । ଯିଏ ଗରିବ, ପୋଲିସ ଓ ସ୍ବାସ୍ଥ୍ୟ କର୍ମୀଙ୍କୁ ମାଗଣାରେ ମାସ୍କ ତିଆରି କରି ବଣ୍ଟନ କରୁଛନ୍ତି ।
ତାମିଲନାଡୁର ନାଡରାଜ ନାଗରରେ ଥିବା ଏକ ଟେକ୍ସଟାଇଲ୍ ଷ୍ଟୋର୍ର ମାଲିକ ସତୀଶକୁମାର ଅଭାବୀ, ପୋଲିସ୍ ଏବଂ ସ୍ୱାସ୍ଥ୍ୟ କର୍ମୀଙ୍କୁ 8000 ସୂତା ମାସ୍କ ପ୍ରସ୍ତୁତ କରି ବିତରଣ କରିଛନ୍ତି। ସେ ସାଧାରଣ ଲୋକଙ୍କୁ ଅନୁରୋଧ କରିଛନ୍ତି, ସୁତା କପଡା ତାଙ୍କୁ ପ୍ରଦାନ କଲେ, ଏହି ମାସ୍କ ତିଆରି କାର୍ଯ୍ୟ ଆଗକୁ ଜାରି ରହିବ ।
ସୌଜନ୍ୟ @ ANI
