କୋଏମ୍ବାଟୁର: ଭାରତ ଗସ୍ତରେ ଆମେରିକା ରାଷ୍ଟ୍ରପତି ଡ୍ରୋନାଲ୍ଡ ଟ୍ରମ୍ପ । ଟ୍ରମ୍ପଙ୍କ ଯାତ୍ରାକୁ ଦୃଷ୍ଟିରେ ରଖି ଅହମ୍ମଦାବାଦର ସାଜ୍ଜସଜ୍ଜା ଉପରେ ଖୁବ୍ ଗୁରୁତ୍ବ ଦିଆଯାଇଛି । ତେବେ ଏହି ପରିପେକ୍ଷୀରେ କୋଏମ୍ବାଟୁର ଜିଲ୍ଲା ପୋଲ୍ଲାଚିର 90 ବର୍ଷୀୟ ବୃଦ୍ଧ ଦର୍ଜି ବି ଏସ୍ ବିଶ୍ବନାଥନ୍ ସିଲାଇ ଥିବା ଖଦି କମିଜ ଟ୍ରମ୍ପଙ୍କୁ ଭେଟି ଦେବେ ।
ଟ୍ରମ୍ପଙ୍କୁ ଖଦି କମିଜ ଉପହାର ଦେବେ 90 ବର୍ଷୀୟ ଦର୍ଜି
ବିଶ୍ବନାଥନଙ୍କ ପରିବାରଙ୍କ କହିବା ଅନୁସାରେ, ସେମାନେ ଅନେକ ଥର ଟ୍ରମ୍ପଙ୍କୁ ଟିଭି ଏବଂ ଫଟୋରେ ଦେଖିଛନ୍ତି । ଯାହାପରେ ସେ ଆମେରିକା ରାଷ୍ଟପତିଙ୍କୁ କମିଜ ଉପହାର ଦେବାକୁ ସ୍ଥିର କରିଛନ୍ତି ।
ତେବେ ସେ ଏନେଇ ଆଶା ପ୍ରକଟ କରିଛନ୍ତି ଯେ, ଟ୍ରମ୍ପ ତାଙ୍କ ଉପହାର ସ୍ବୀକାର କରିବେ । ତେବେ ଉକ୍ତ କମିଜକୁ ଦିଲ୍ଲୀକୁ ପ୍ରଧାନମନ୍ତ୍ରୀ କାର୍ଯ୍ୟାଳୟକୁ ପଠାଇ ଦେଇଛନ୍ତି । ତେବେ ବିଶ୍ବନାଥନଙ୍କ ପରିବାର ଏହାର ମଧ୍ୟ ସୂଚନା ଦେଇଛନ୍ତି ଯେ, ସେ ଏହା ପୂର୍ବରୁ ବିଭିନ୍ନ ନେତାଙ୍କୁ କମିଜ ଭେଟି ଦେଇଛନ୍ତି ।
