ବେଙ୍ଗାଲୁରୁ: ଯାତ୍ରା ହେଲା ଶେଷ ଯାତ୍ରା । ପରିବାର ସହ ଟ୍ରେନରେ ଯାତ୍ରା କରୁଥିବା ବେଳେ ଷ୍ଟେସନରେ ହିଁ ପ୍ରାଣ ହରାଇଲେ ବ୍ୟକ୍ତି । ଏଭଳି ଦୁଃଖଦ ଘଟଣା ଘଟିଛି କର୍ଣ୍ଣାଟକର ଯଶୋବନ୍ତପୁର ରେଳଷ୍ଟେସନରେ । ମୃତକ ହେଲେ ମନୋଜ କୁମାର ।
ଅଧାରେ ଅଟକିଲା ଯାତ୍ରା, ଷ୍ଟେସନରେ ପ୍ରାଣ ହରାଇଲେ ବ୍ୟକ୍ତି
ମୃତ ମନୋଜ ନିଜ ପରିବାର ସହ ସମ୍ପର୍କୀୟଙ୍କ ଘରକୁ ଯାଉଥିବା ବେଳେ ଯଶୋବନ୍ତପୁର ରେଳଷ୍ଟେସନରେ ହୃଦଘାତ ଯୋଗୁଁ ପ୍ରାଣ ହରାଇଛନ୍ତି । ତାଙ୍କ ଘର ଉତ୍ତରପ୍ରଦେଶର ଗୋରଖପୁରରେ । ସେ ନିଜ ପରିବାର ଲୋକଙ୍କ ସହ ବେଙ୍ଗାଲୁରୁରେ ରହୁଥିଲେ । ଏଠାରେ ଚିତ୍ର କରି ପରିବାର ପ୍ରତିପୋଷଣ କରୁଥିଲେ । ତେବେ ମୃତଦେହକୁ ବ୍ୟବଚ୍ଛେଦ ପାଇଁ ନିକଟସ୍ଥ ମେଡିକାଲକୁ ପଠାଇ ଦିଆଯାଇଛି । ଘଟଣାସ୍ଥଳରେ ରେଳବାଇ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
