ବାୟୁସେନାର ମିଗ୍-29 ଦୁର୍ଘଟଣାଗ୍ରସ୍ତ, 2 ପାଇଲଟ ସୁରକ୍ଷିତ

ଗୋଆରେ ବାୟୁସେନାର ଟ୍ରେନିଂ ଏୟାରକ୍ରାଫ୍ଟ ମିଗ-29 ଦୁର୍ଘଟଣାଗ୍ରସ୍ତ ହୋଇଛି। ଏୟାରକ୍ରାଫ୍ଟରେ ଥିବା ଦୁଇ ଜଣ ପାଇଲଟ ସୁରକ୍ଷିତ ଥିବା ଜଣାପଡିଛି ।

ପାଣାଜୀ: ଗୋଆରେ ବାୟୁସେନାର ଏକ ଟ୍ରେନିଂ ଏୟାରକ୍ରାଫ୍ଟ ମିଗ-29 ଦୁର୍ଘଟଣାଗ୍ରସ୍ତ ହୋଇଛି। ବିମାନରେ ପକ୍ଷୀ ପିଟି ହେବାରୁ ଇଞ୍ଜିନରେ ନିଆଁ ଲାଗିଯାଇଥିଲା । ପରେ ଏୟାରକ୍ରାଫ୍ଟର ଦୁଇ ପାଇଲଟ ସୁରକ୍ଷିତ ଭାବେ ନିଜକୁ ବଞ୍ଚାଇବାରେ ସମର୍ଥ ହୋଇଛନ୍ତି। ଏହି ଜେଟ ଫାଇଟର ଜେଟର ଏକ ଟ୍ରେନର ଭର୍ସନ। ଦୁର୍ଘଟଣାଟି ଏକ ଖୋଲା ସ୍ଥାନରେ ହୋଇଥିବା ବେଳେ କୌଣସି କ୍ଷୟକ୍ଷତି ହୋଇନଥିବା ସୂଚନା ରହିଛି।