ପୁଣେ: ରାଜନେତାଙ୍କ ବିରୁଦ୍ଧରେ ସୋସିଆଲ ମିଡିଆରେ ଅଶ୍ଳୀଳ ମନ୍ତବ୍ୟ ତଥା ଗାଳିଗୁଲଜ କରୁଥିବା ଅଭିଯୁକ୍ତ ଗିରଫ । ସୋସିଆଲ ମିଡିଆରେ କଂଗ୍ରେସ, ଏନସିପି ଏବଂ ଶିବସେନା ନେତାଙ୍କ ବିରୁଦ୍ଧରେ ଆପତ୍ତିଜନକ ମନ୍ତବ୍ୟ ଦେଉଥିବା ଅଭିଯୁକ୍ତକୁ ମୁମ୍ବାଇ ପୋଲିସର ସାଇବର ସେଲ ପୁଣେର ଚିଖାଲୀରୁ ଗିରଫ କରିଛନ୍ତି ।
ଗିରଫ ଅଭିଯୁକ୍ତ ଜଣଙ୍କ ଫେସବୁକରେ ଅପା କ୍ୟାନ୍ସର ଜବାଲଗେକର ନାମକ ଏକ ଫେକ ପ୍ରଫାଇଲ ଖୋଲିଥିଲା । ଏହି ନକଲି ପ୍ରଫାଇଲରୁ ସେ ମହାରାଷ୍ଟ୍ର ଗୃହମନ୍ତ୍ରୀ ଅନିଲ ଦେଶମୁଖ ଏବଂ ପ୍ରିୟଙ୍କା ଗାନ୍ଧୀଙ୍କ ବିରୋଧରେ ଅଶ୍ଳୀଳ କମେଣ୍ଟ କରୁଥିଲା। ଏହି ପୋଷ୍ଟକୁ ନେଇ ଅଭିଯୋଗ ହେବାପରେ ଅକ୍ଟୋବର 9 ରେ ମୁମ୍ବାଇ କ୍ରାଇମବ୍ରାଞ୍ଚ ବିଭିନ୍ନ ବିଭାଗ ଅଧୀନରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା।
ତଦନ୍ତ ବେଳେ କ୍ରାଇମବ୍ରାଞ୍ଚର ସାଇବର ସେଲ୍ ଏହି ଫେସବୁକ୍ ପ୍ରୋଫାଇଲ ବିଷୟରେ ପ୍ରମାଣ ପାଇଥିଲା। ପରେ ଟେକ୍ନୋଲୋଜି ବ୍ୟବହାର କରି ପ୍ରମାଣ ସମ୍ପର୍କରେ ନିଶ୍ଚିତ ହୋଇଥିଲା । ତେବେ ସନ୍ଦେହ ଆଧାରରେ ପୁନେର ଚିଖାଲି ଅଞ୍ଚଳରୁ ଜଣେ ବ୍ୟକ୍ତିଙ୍କୁ ଅଟକ ରଖାଯାଇଥିଲା । କିନ୍ତୁ ପରେ ଅଭିଯୁକ୍ତ ଜଣଙ୍କ ନିଜ ଅପରାଧ ସ୍ୱୀକାର କରିଥିଲା। ଗିରଫ ଅଭିଯୁକ୍ତ ଜଣଙ୍କ ମହାରାଷ୍ଟ୍ରର ଉସମାନାବାଦ ଶ୍ରୀଶୈଇଲ ଶରଣପ୍ପା ଖଜେ । ଯିଏକି ପୁଣେର ଏକ କମ୍ପାନୀରେ କାମ କରୁଥିଲା । ତେବେ ସେ କାହିଁକି ଏପରି କରୁଥିଲା ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇପାରିନାହିଁ ।
