ବେଙ୍ଗାଲୁରୁ: କର୍ଣ୍ଣାଟକର ରାଜଧାନୀ ବେଙ୍ଗାଲୁରରୁରେ ସୋସିଆଲ ମିଡିଆ ପୋଷ୍ଟକୁ ନେଇ ନିକଟରେ ହୋଇଥିବା ବ୍ୟାପକ ହିଂସା ହୋଇଥିଲା । ତେବେ ଏହାର କିଛି ଦିନ ପରେ ଏବେ ବେଙ୍ଗାଲୁରୁ ପୋଲିସ ନାଁରେ ନକଲି ଫେସବୁକ ଆକାଉଣ୍ଟ ଖୋଲାଯାଇଥିବା ନେଇ ଅଭିଯୋଗ ହୋଇଛି । ଏହି ଘଟଣାରେ ଜଣେ ଅଭିଯୁକ୍ତକୁ ଗିରଫ କରିଛି ପୋଲିସ ।
ସେଣ୍ଟ୍ରାଲ କ୍ରାଇମବ୍ରାଞ୍ଚ (ସିସିବି) ସାଇବର କ୍ରାଇମ ୱିଙ୍ଗ ବେଙ୍ଗାଲୁରୁ ସିଟି ପୋଲିସ ନାଁରେ ଏକ ନକଲି ଫେସବୁକ ଆକାଉଣ୍ଟ ଖୋଲାଯାଇଥିବା ଅଭିଯୋଗରେ ଜଣେ ଅଭିଯୁକ୍ତକୁ ପୋଲିସ ଗିରଫ କରିଥିବା କ୍ରାଇମବ୍ରାଞ୍ଚର ଯୁଗ୍ମ କମିଶନର ସନ୍ଦୀପ ପାଟିଲ ସୂଚନା ଦେଇଛନ୍ତି । ଗିରଫ ଅଭିଯୁକ୍ତଜଣଙ୍କ ବେଙ୍ଗାଲୁରୁ ଉପକଣ୍ଠ ମଲ୍ଲେଶ୍ବରମର 40 ବର୍ଷିୟ ପଙ୍କଜ କୁମାର ବଚାଓ୍ବାତ ବୋଲି ଜଣାପଡିଛି ।
ଚଳିତ ମାସ ଆରମ୍ଭରେ ଫେସବୁକରେ ଜଣେ ରାଜନେତାଙ୍କ ସମ୍ପର୍କୀୟଙ୍କ ଆପତ୍ତିଜନକ ସୋସିଆଲ ମିଡିଆ ପୋଷ୍ଟ କରିବା ପରେ ରାଜଧାନୀରେ ବ୍ୟାପକ ହିଂସା ଦେଖିବାକୁ ମିଳିଥିଲା । ଏହି ଘଟଣାରେ 300ରୁ ଅଧିକ ଅଭିଯୁକ୍ତଙ୍କୁ ଗିରଫ କରିଥିଲା ପୋଲିସ ।
