ଲକ୍ଷ୍ନୌ: କୋରୋନା ସଂକ୍ରମିତଙ୍କ ଚିକିତ୍ସା ରେ ଦିନ ରାତି ଏକ କରିଦେଇଛନ୍ତି ଡାକ୍ତର,ନର୍ସ ଓ ସମସ୍ତ ମେଡିକାଲ କର୍ମଚାରୀ । ବର୍ତ୍ତମାନ ସମୟରେ ଯଦି କାହାକୁ ଭଗବାନ ବୋଲି କୁହାଯାଏ ସେ ହେଉଛନ୍ତି ସ୍ବଂୟ ଡାକ୍ତର ଓ ସ୍ବାସ୍ଥ୍ୟସେବା କର୍ମଚାରୀ । ତେବେ ଏହା ମଧ୍ୟରେ ଆହୁରୀ ଦୁଃଖଦ ଘଟଣା ହେଉଛି। ସଂକ୍ରମିତଙ୍କ ସେବା କରୁ କରୁ ଏଥିରେ ଆକ୍ରାନ୍ତ ହୋଇ ଅକାରଣରେ ଚାଲିଯାଉଛି ଆଗଧାଡିରେ ସେବାରତ ଡାକ୍ତର ଓ ନର୍ସଙ୍କ ଜୀବନ।
ସେହିଭଳି ଆଉ ଏକ ଡାକ୍ତର ଉତ୍ତରପ୍ରଦେଶର ତୀର୍ଥାଙ୍କର ମହାବୀର ବିଶ୍ୱବିଦ୍ୟାଳୟ (ଟିଏମୟୁ) ମେଡିକାଲ କଲେଜରେ କୋରୋନା ଆକ୍ରାନ୍ତ ହୋଇ ଚିକିତ୍ସିତ ହେଉଥିଲେ । ହେଲେ ରବିବାର ରାତିରେ ତାଙ୍କର ମୃତ୍ୟୁ ଘଟିଛି। ଏନେଇ ସୂଚନା ଦେଇଛନ୍ତି ମୁରାଦାବାଦ ଜିଲ୍ଲାର ମୁଖ୍ୟ ଚିକିତ୍ସା ଅଧିକାରୀ (ସିଏମଓ) ଡାକ୍ତର ଏମସି ଗର୍ଗ ।
