ଚେନ୍ନାଇ: ପୁଣି ଚେନ୍ନାଇ ଅନ୍ତର୍ଜାତୀୟ ବିମାନ ବନ୍ଦରରୁ ଲକ୍ଷାଧିକ ଟଙ୍କାର ସୁନା ଜବତ । ବୁଧବାର ଏହି ବିମାନ ବନ୍ଦର ନିକଟରୁ 90 ଲକ୍ଷରୁ ଉର୍ଦ୍ଧ୍ବ ମୂଲ୍ୟର ସୁନା ଜବତ କରିଛି ପୋଲିସ । ଘଟଣାରେ 3 ଜଣ ବ୍ୟକ୍ତିଙ୍କୁ ଅଟକ ରଖାଯାଇ ପଚରାଉଚରା କରାଯାଉଛି ।
ସୂଚନା ମୁତବକ, ବୁଧବାର ତିନି ଜଣ ବ୍ୟକ୍ତି ଦୁବାଇରୁ ଚେନ୍ନାଇକୁ ବିମାନ ଯୋଗେ ଆସିଥିଲେ । ବିମାନ ବନ୍ଦରରେ ପୋଲିସ ସେମାନଙ୍କୁ ଯାଞ୍ଚ କରିବାରୁ ତାଙ୍କ ନିକଟରୁ ବିପୁଳ ସୁନା ମିଳିଥିଲା । ଯାହାର ଆନୁମାନିକ ମୂଲ୍ୟ ପ୍ରାୟ 90 ଲକ୍ଷ 40 ହଜାର ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ତେବେ ବିଗତ କିଛି ଦିନ ମଧ୍ୟରେ ଅନେକ ଥର ଏହି ବିମାନ ବନ୍ଦରରୁ କୋଟି କୋଟି ଟଙ୍କା ମୂଲ୍ୟର ସୁନା ଜବତ କରାଯାଇଛି ।
@ANI
