ଲକ୍ଷ୍ନୌ: ଉତ୍ତରପ୍ରଦେଶରେ କୋରୋନା ପରିସ୍ଥିତି ଦିନକୁ ଦିନ ବିଗିଡିବାରେ ଲାଗିଛି । ପ୍ରତିଦିନ ଅନେକ ମାମଲା ସାମନାକୁ ଆସୁଛି । ସୋମବାର ମଧ୍ୟ 84ଟି ପଜିଟିଭ ସ୍ପଷ୍ଟ ହୋଇଛି ।
ଫଳରେ ଏବେ ସୁଦ୍ଧା ରାଜ୍ୟରେ ମୋଟ ଆକ୍ରାନ୍ତଙ୍କ ସଂଖ୍ୟା 1184ରେ ପହଞ୍ଚିଛି । ଏମାନଙ୍କ ମଧ୍ୟରୁ 1026 ଜଣ ସକ୍ରିୟ ଅଛନ୍ତି । ଚିକିତ୍ସା ପରେ ସୁସ୍ଥ ହୋଇ 140 ଜଣ ଡିସଚାର୍ଜ ହୋଇଛନ୍ତି।
ଏହାସହ ୟୁପିରେ ଏବେ ଯାଏଁ 18 ଜଣଙ୍କର ମୃତ୍ୟୁ ହୋଇଛି ବୋଲି ରାଜ୍ୟ ସ୍ବାସ୍ଥ୍ୟ ବିଭାଗ ସୂଚନା ଦେଇଛି । ତେବେ ଉତ୍ତରପ୍ରଦେଶରେ ତବଲିଘି ଫେରନ୍ତାଙ୍କ ପରେ ରୋହିଙ୍ଗ୍ୟା ଲୋକେ ସରକାରଙ୍କ ମୁଣ୍ଡବ୍ୟଥା ବଢାଇଛନ୍ତି । କିଛି ରୋହିଙ୍ଗ୍ୟା ତବଲିଘିରେ ଯୋଗ ଦେଇଥିବାର ସୂଚନା ପରେ ସରକାର ଏମାନଙ୍କୁ ଖୋଜିବା ଆରମ୍ଭ କରିଛନ୍ତି । ସେମାନଙ୍କୁ କୋରୋନା ହୋଇଥିବାର ଆଶଙ୍କା ରହିଛି ବୋଲି ଗୃହ ମନ୍ତ୍ରଣାଳୟ ସୂଚନା ଦେଇଛି ।
ସୌଜନ୍ୟ@ANI
