ମୁମ୍ବାଇ:ଧରାଭୀ ବସ୍ତି ଏବେ ମହାରାଷ୍ଟ୍ର ପାଇଁ ପାଲଟିଛି ନୂଆ କୋରୋନା ହଟସ୍ପଟ । ସୋମବାର 4ଟି କୋରୋନା ମାମଲା ସହ ଜଣେ 60ବର୍ଷୀୟ ବୃଦ୍ଧଙ୍କ ମୃତ୍ୟୁ ହୋଇଛି । ଏସିଆ ମହାଦେଶର ସବୁଠାରୁ ବଡ ବସ୍ତି ଭାବେ ପରିଚିତ ଏହି ଧରାଭୀରେ ବର୍ତ୍ତମାନ 47ଜଣଙ୍କ ଠାରେ କୋରୋନା ଚିହ୍ନଟ ହେବା ସହ 5 ଜଣଙ୍କ ଜୀବନ ଯାଇଛି ।
ବୃଦ୍ଧ ଜଣକ ଧରଭୀ ବସ୍ତିର ନେହେରୁ ଅଞ୍ଚଳର ହୋଇଥିବାବେଳେ, ସ୍ବାସ୍ଥ୍ୟ ଅଧିକାରୀ ମୃତ ବୃଦ୍ଧଙ୍କ ସମ୍ପର୍କ ଆସିଥିବା ବ୍ୟକ୍ତିଙ୍କୁ ଖୋଜିବାରେ ଲାଗିଛନ୍ତି ।
ଏପ୍ରିଲ 11ରେ ସ୍ୱାସ୍ଥ୍ୟ ସେବା କର୍ମଚାରୀମାନେ ସମସ୍ତ ଧରାଭୀ ବାସିନ୍ଦାଙ୍କ ଘରକୁ ଘର ବୁଲି ସ୍କ୍ରିନିଂ କରିଥିଲେ। ସୂଚନାଯୋଗ୍ୟ ଯେ ଧରାଭୀ ଦେଶର ସବୁଠାରୁ ବଡ ବସ୍ତି ଏବଂ ଏହାର ଜନସଂଖ୍ୟା ପ୍ରାୟ 10 ଲକ୍ଷ ଅଟେ। ଧରାଭୀଙ୍କ ବ୍ୟକ୍ତିଗତ ଡାକ୍ତର ଏବଂ ବିଏମସି ମେଡିକାଲ କର୍ମଚାରୀଙ୍କୁ ନେଇ ଏକ ଟିମ୍ ତାପମାତ୍ରା ଯାଞ୍ଚ କରି ଲୋକଙ୍କୁ ସେମାନଙ୍କର ଟ୍ରାଭେଲ ହିଷ୍ଟ୍ରି ବିଷୟରେ ପ୍ରଶ୍ନ କରିଥିଲେ।
